დიტმარ ჰამანი: ბაიერნი პოჩეტინოსთან მოლაპარაკებებს აწარმოებს

"ლივერპულისა" და გერმანიის ნაკრების ყოფილმა ფეხბურთელმა, ამჟამად კი Sky Sport-ის საფეხბურთო ესქპერტმა, დიტმარ ჰამანმა მიუნხენის "ბაიერნის" მომავალი მწვრთნელის კანდიდატების შესახებ ისაუბრა.

"ყველა ფიქრობს, რომ "რეკორდმაისტერს" ტომას ტუხელი ჩაიბარებს, მაგრამ მე ამის არ მჯერა. ვიცი, რომ "ბაიერნი" "ტოტენჰემის" მწვრთნელთან, მაურისიო პოჩეტინოსთან აწარმოებს მოლაპარაკებებს. არგენტინელი "ბუნდესგუნდის" მწვრთნელობის ერთ-ერთი მთავარი კანდიდატი იყო და, შესაძლოა, რომ დარჩა კიდევაც.

ის, რომ "ბაიერნის" მწვრთნელმა გერმანული უნდა იცოდეს მნიშვნელოვანი კრიტერიუმია, მაგრამ არა გადამწყვეტი. არც პეპ გვარდიოლა იყო ამ მხრივ ძლიერი. "ბაიერნი" საუკეთესო მწვრთნელის მოყვანას შეეცდება, ჩემთვის კი ის "ტოტენჰემის" თავკაცი იქნებოდა," - განაცხადა ჰამანმა.

მიუნხენური კლუბის ამჟამინდელ მთავარ მწვრთნელს, იუპ ჰაინკესს კონტრაქტი ზაფხულს დაუსრულდება.

888
მკითხველის კომენტარები / 0 /
მსგავსი ამბები
რუბრიკის სხვა სიახლეები
;