[დოპინგი] რუსეთის ბრალი მძიმდება

გერმანული ტელეარხ ARD-ის ჟურნალისტმა ჰაიო ზეპელტმა ახალი დეტალები გამოაცხადა მსოფლიოს ანტისადოპინგო სააგენტოსა (WADA) და რუსეთის დაპირისპირების საქმეზე.

„გამოჩნდა ახალი დამამძიმებელი გარემოებები რუსეთის წინააღმდეგ. ლაპარაკია მოსკოვის ანტისადოპინგო სააგენტოს მონაცემებით მანიპულირებაზე. ელოდებიან, რომ გაიცემა რეკომენდაციები რუსეთის წინააღმდეგ ყველაზე სერიოზული სანქციების გამოსატანად, მათ შორის, ლაპარაკია ოლიმპიადიდან სრულად მოკვეთის შესახებ. ეს მოხდება იმ შემთხვევაში, თუ უახლოეს დღეებში დადასტურდება ინფორმაცია მაქინაციების შესახებ“, - დაწერა ზეპელტმა საკუთარ „ტვიტერზე“.

ორი დღით ადრე გაირკვა, რომ მსოფლიოს ანტისადოპინგო სააგენტომ რუსი სპორტსმენების 47 დოპინგ-საქმე გადასცა განსახილველად საერთაშორისო ფედერაციებს, შესაბამისად, 47 რუს სპორტსმენს ელოდება სერიოზული სანქციები.

თუ დამტკიცდება მოსკოვის ლაბორატორიის მონაცემთა მანიპულაციები, რუსეთი, შესაძლოა, არ დაუშვან ტოკიოს ზაფხულისა (2020) და პეკინის ზამთრის (2022) ოლიმპიადებზე.

889
მკითხველის კომენტარები / 0 /
მსგავსი ამბები
რუბრიკის სხვა სიახლეები
;