[დოპინგი] რუსეთი თავს ვერ იმართლებს

გერმანული ტელეარხის ARD-ის ცნობილმა ჟურნალისტმა ჰაიო ზეპელტმა, რომელიც რუსული დოპინგის შესახებ სკანდალური დოკუმენტური ფილმებით არის ცნობილი, საკუთარ „ტვიტერში“ დაწერა, რომ რუსეთმა ვერ უპასუხა მსოფლიოს ანტისადოპინგო სააგენტოს ყველა კითხვას, რომელიც ეხებოდა მოსკოვის ანტისადოპინგო სააგენტოს მონაცემთა შეუსაბამობას.

„მსოფლიოს ანტისადოპინგო სააგენტოსთან დაახლოებული წყაროს ცნობით, რუსეთმა 31 კითხვიდან მხოლოდ 23-ს გასცა პასუხი. კითხვები შეეხებოდა შეუსაბამობას მოსკოვის ლაბორატორიის მონაცემებში. აგრეთვე, რუსულმა მხარემ არ წარმოადგინა ყველა დოკუმენტი. ეს შეეხება ანალიტიკურ მონაცემებს ერითროპოეტინზე“, - წერს გერმანელი.

ერთი დღით ადრე გაირკვა, რომ მსოფლიოს ანტისადოპინგო სააგენტომ რუსი სპორტსმენების 47 დოპინგ-საქმე გადასცა განსახილველად საერთაშორისო ფედერაციებს, შესაბამისად, 47 რუს სპორტსმენს ელოდება სერიოზული სანქციები.

თუ დამტკიცდება მოსკოვის ლაბორატორიის მონაცემთა მანიპულიციები, რუსეთი, შესაძლოა, არ დაუშვან ტოკიოს ზაფხულისა (2020) და პეკინის ზამთრის (2022) ოლიმპიადებზე.

576
მკითხველის კომენტარები / 0 /
მსგავსი ამბები
რუბრიკის სხვა სიახლეები
;