დრეიმონდ გრინი ჩხუბის შემდეგ: ორჯერ რომ დაგარტყამენ, როგორ უნდა მოიქცე?! [VIDEO]

28 ოქტომბრის NBA-ს მატჩში, რომელშიც "გოლდენ სტეიტმა" "ვაშინგტონი" 120:117 დაამარცხა, დიდი ჩხუბი მოხდა. პირველი ტაიმის დასრულებამდე 23 წამით ადრე მასპინძელი დრეიმონდ გრინი და ვაშინგტონელი ბრედლი ბილი ერთმანეთს შეებნენ. მსაჯებმა ორივეს დისკვალიფიკაცია მისცეს.

→ ჩხუბი, შემოხეული მაისური - "გოლდენ სტეიტმა" "ვაშინგტონს" მაინც მოუგო [VIDEO]

ყველაფერი კი იქიდან დაიწყო, რომ ბილმა გრინს ზურგში ხელი ჰკრა, გოლდენსტეიტელმა პასუხი ასევე ხელის კვრით გასცა, რასაც ბილის გაცხარება მოჰყვა, გრინს სახეში უთავაზა და მოჩხუბრები ძლივს გააშველეს.

გაშველებაში მეტოქის ხელი მოხვდა "უორიორსის" უკანახაზელ კლეი ტომპსონს...

გაძევებულები გასახდელში დაცვის თანხლებით გააცილეს, მაისურშემოხეული გრინი მთელი გზა იგინებოდა, ბილმა კი ოკლენდელ ქომაგთან რამდენიმე უსიამოვნო სიტყვა გაცვალა.

- როგორ უნდა მოიქცე, როდესაც ვიღაცა ორჯერ დაგარტყამს? - გრინი მატჩის შემდეგაც არ დამცხრალა, - კაცი იქნება თუ ბავშვი, ამას არ მოითმენს. მე რა უნდა მექნა?!

ბილი შედარებით მშვიდი იყო:

- თამაშისას მეტი თავშეკავება და ლიდერული თვისებების გამოვლენაა საჭირო. ჩხუბის დეტალებს არ განვიხილავ, უბრალოდ ბოდიშს მოვუხდი ჩემს თანაგუნდელებს.

ამერიკელმა ჟურნალისტებმა გაიხსენეს, რომ გსულ სეზონში ვაშინგტონელი მარცინ გორტატის ხლის კვრის შემდეგ ზაზა ფაჩულია კევინ დურანტს დაეჯახა და "გოლდენ სტეიტის" ლიდერმა სერიოზული ტრავმა მიიღო.

3155
მკითხველის კომენტარები / 0 /
მსგავსი ამბები
რუბრიკის სხვა სიახლეები
;