დუდა სანაძე: ოპერაცია მჭირდება, 6 თვე ვერ ვითამაშებ

14 ნოემბერს იტალიის ჩემპიონატის გუნდმა "პისტოიამ" გაავრცელა ინფორმაცია, რომლის თანახმად ქართველმა უკანახაზელმა დუდა სანაძემ "რეჯო ემილიასთან" მატჩში მარჯვენა მუხლის ტრავმა მიიღო.

სიტუაციაში უკეთ გასარკვევად თავად კალათბურთელს შევეხმიანეთ, რომელმაც გვითხრა, რომ ჯვარედინი იოგი გაუწყდა, ოპერაცია სჭირდება და 6 თვე ვერ ითამაშებს.

მეტისმეტად არასასიამოვნო ინფორმაციაა. შეგახსენებთ, რომ საქართველოს ნაკრებს მსოფლიოს ჩემპიონატის საკვალიფიკაციო ეტაპი კარს მოადგა. პირველი მატჩი გერმანიაში 24 ნოემბერს გამართება. ამ შეხვედრისთვის გუნდს ვერ დაეხმარებიან ევროლიგელები, თორნიკე შენგელია და გიორგი შერმადინი.

ასევე ტრავმირებულები: ვიქტორ სანიკიძე (რომელმაც ტრავმის გამო კარიერა დაასრულა) და ბექა ბურჯანაძე. ახლა გუნდს კიდევ ერთი გამოცდილი კალათბურთელი დუდა სანაძე გამოაკლდა.

- დუდამ ტრავმა "რეჯო ემილიასთან" მატჩისას მიიღო. ექიმებმა კარგად რომ შეამოწმეს, მუხლის ჯვარედინი იოგი აღმოჩნდა გაწყვეტილი. ოპერაციაა საჭირო. სავარაუდოდ, ბარსელონაში გაიკეთებს. ოპერაციის შემდეგ რეაბილიტაციისთვის რა დრო დასჭირდება, ამას მომავალი გვიჩვენებს, - გვითხრა დუდას მამამ, საქართველოს ნაკრების ყოფილმა კალათბურთელმა გია სანაძემ.

ყოველდღიური სპორტული გაზეთი "ლელო"
1711
მკითხველის კომენტარები / 0 /
მსგავსი ამბები
რუბრიკის სხვა სიახლეები
;