დუდუ დადიანის მემორიალი. ბედი არ გინდა?! კაკტუსმა კვლავ ბოლო წამზე წააგო...

დუდუ დადიანის მემორიალის მეორე ტურის შემდეგ ლიდერი გამოიკვეთა. თბილისის "დელტა" გახლავთ ერთადერთი გუნდი, რომელსაც 2 გამარჯვება დაუგროვდა.

დინამო-დელტა 73:84
17:18, 17:23, 23:21, 16:22
დინამო: დოუელი (11ქ, 4პ), გრძელიძე (11ქ, 3პ), ბუბალო (11ქ), ბოქოლიშვილი (6ქ, 6მ), მ. რევაზაშვილი (2ქ), მირზიაშვილი (2ქ), ჭოჭუა (3ქ, 4პ), სვოპშირი (6ქ, 7მ), ბერიშვილი (18ქ, 8მ), თავაქარაშვილი (3ქ).
დელტა: მეგენეიშვილი (4ქ), ბაქრაძე (6ქ, 6მ), მაჩალაძე (3ქ), ბრანდენბერგი (11ქ), დრამრაითი (7ქ), ლობჟანიძე (18ქ, 6პ, 5მ), ბექაური (24ქ), ანთაძე (11ქ, 5მ, 5პ).

დელტელებს I და II ტურში ერთმანეთზე რთული მეტოქეები შეხვდათ, ჯერ "რუსთავს" ეთამაშნენ, შემდეგ - "დინამოს". ლექსო ლაფანაშვილის გუნდის სასახელოდ უნდა ითქვას, რომ ორივე მეტოქესთან მატჩი სტაბილურად ჩაატარა და ამის ხარჯზე მიაღწია ორ გამარჯვებას.

ამ მატჩებიდან ჩანს, რომ ერთ-ერთი ყველზე სასარგებლო ტრანსფერი სწორედ "დელტამ" განახორციელა - დაიმატა მოძრავი, მებრძოლი ბექა ბექაური, რომელიც მატჩის ბომბარდირი გახდა.

რუსთავი-ბათუმი 70:56
14:18, 12:14, 17:12, 27:12
რუსთავი: ლორთქიფანიძე (4ქ), ხმელიძე, გოგობერიშვილი (6ქ), გუგავა (2ქ, 6მ), ტალეი (7ქ, 7პ, 8მ), ბარამიძე, ბენქსი (20ქ, 7მ), ჯოლი (18ქ, 9მ, 4ჩ), გოგალაძე (11ქ, 4პ).
ბათუმი: ლეონიძე (4ქ), მიქელაძე (1ქ, 4პ), ტომარაძე (2ქ), თენიეშვილი (4ქ), კალატოზიშვილი (6ქ, 6მ), ლომინაშვილი (16ქ), ელიაძე, ბასი (7ქ, 5მ), გოგოძე (4ქ, 5პ), ჰილი (6ქ, 5მ, 3პ), დიკერსონი (6ქ).

"რუსთავს" კარგი ლეგიონერები რომ ჰყავს, წინა ტურშიც გამოჩნდა, ამჯერად კი მათი დიდი ძალისხმევით ქვემოქართლელებმა "ბათუმს" სძლიეს.
ზღვისპირელებისთვის ეს იყო პირველი შეხვედრა მემორიალზე და ჯერ დასკვნების გამოტანა არ შეიძლება.

"ა" ჯგუფი

გუნდი თ მ წ ქ
დელტა 2 2 0 4
რუსთავი 2 1 1 3
თსუ-ჰიუნდაი 1 1 0 2
დინამო 2 0 2 2
ბათუმი 1 0 1 1

ქუთაისი-მგზავრები 81:74
27:22, 7:19, 21:16, 26:17
ქუთაისი: ლი (4ქ, 3პ), ჭეიშვილი (7ქ, 10მ, 4ჩ), რაითი (7ქ), ცირეკიძე, ლომიძე (15ქ), ბარბაქაძე (7ქ), ლომოური (12ქ), დვალიშვილი (14ქ), ფაცაცია (15ქ, 4პ), მათიაშვილი (6მ).
მგზავრები: ბოუი (23ქ, 4პ, 8მ), არმსტრონგი (11ქ, 7მ), ჯინჭარაძე (3ქ, 4პ), ჩაჩანიძე (19ქ), ქავთარაძე, ბეშქენაძე, გოგნაძე (7ქ), ყეინაშვილი, ნდუმანია (12ქ, 14მ).

ეს შეხვედრაც დაძაბული და თანაბარი გამოდგა, რომლის კვანძიც ბოლო წუთებზე, ქუთაისელთა სასარგებლოდ გაიხსნა. რეგიონის წარმომადგენლებმა "მგზავრებს" 7 ქულის სხვაობით - 81:74 მოუგეს.

"ქუთაისმა" გასული სეზონიდან ორივე ლეგიონერი - დეჟან რაიტი და ჯონათან ლი შეინარჩუნეს, რაც ამ გუნდისთვის დიდი პლუსია. ამერიკულმა ტანდემმა კარგად შეისწავლა ქართული სუპერლიგა და მომავალ სეზონში იმერულ კლუბს კიდევ უფრო დაეხმარება. ქუთაისელებმა დაიმატეს ეროვნული ნაკრების წევრი ლევან ფაცაცია და პერსპექტიული ახალგაზრდა დავით ლომიძე. შესაბამისად, დადიანის მემორიალზე ყველა მატჩს შესათამაშებლად გამოიყენებენ და თან ტიტულის მოგებასაც ეცდებიან, რაც ერთადერთხელ, 2011 წელს აქვთ აღმართული.

შსს აკადემია/ტიტები-კაკტუსი 78:76
20:14, 22:27, 18:13, 18:22
ტიტები: აბაშვილი (3ქ), მილსი (5ქ, 6მ), ბაბილოძე (6ქ), ბაბუნაშვილი, ლეჟავა (8ქ, 3პ), ლონდარიძე (10ქ, 10მ, 4პ), აფჩერჩი (15ქ, 3პ), შეკელია (12ქ, 9მ), პატაშური, ალმეიდა (19ქ, 5მ).
კაკტუსი: ჩიკვილაძე (16ქ), კლასფორდი (10ქ, 4პ), ბოისა (6ქ), ზაქრაძე (3ქ, 5მ, 5პ), ცირეკიძე (2ქ), ამონაშვილი, ტურძელაძე (14ქ, 8მ), ჯენუარი (11ქ, 9მ), მაკგაუგი (14ქ, 6მ, 8დ).

ზედიზედ ორი მატჩია, კაკტუსი, ფაქტობრივად მოგებულ მატჩში ბოლო წამებზე მარცხდება. ორივე შემთხვევაში იგებდნენ, თუმცა ჯერ "ოლიმპელმა" რევაზ როგავამ სირენამდე 2 წამით ადრე ორქულიანით "ოლიმპს" გაამარჯვებინა. "ტიტებთან" კი ბოლო წუთი ასეთი იყო: "ტიტების" ლეგიონერმა ჯოელ ალმეიდამ ანგარიში გაათანაბრა - 75:75. სამიდან ერთი საჯარიმო გამოიყენა კაკტუსელმა ჯალენ მაკგაუგიმ და 76:75. ბოლო შეტევის უფლება "ტიტებს" დარჩა, სირენამდე 2 წამით ადრე ბესო ლეჟავამ სამქულიანი ჩააგდო...

"ბ" ჯგუფი
გუნდი თ მ წ ქ
მგზავრები 2 1 1 3
ტიტები 2 1 1 3
ქუთაისი 1 1 0 2
ოლიმპი 1 1 0 2
კაკტუსი 2 0 2 2

ყოველდღიური სპორტული გაზეთი "ლელო"
773
მკითხველის კომენტარები / 0 /
მსგავსი ამბები
რუბრიკის სხვა სიახლეები
;