დღეს, საქართველო XV VS ინგლისის საგრაფოები

საქართველო XV დღეს ინგლისის საგრაფოების ნაკრებთან სერიის მეორე მატჩს „ავჭალის რაგბის სტადიონზე გამართავს“. ამ გუნდებმა პირველი მატჩი ოთხი დღის წინათ „აია არენაზე“ გამართეს და სტუმრებმა 28:15 გაიმარჯვეს. 

ამჯერად საქართველო XV-ს ფრანგული „ბრივის“ შერკინების ბურჯი ლუკა ჯაფარიძე დაემატა, რომელიც შარშან „უმცროსი ბორჯღალოსნების“ შემადგენლობაში მსოფლიო რაგბის 20-წლამდელთა ჩემპიონატზე თამაშობდა და ოთხ შეხვედრაში ორი ლელო გაიტანა.

მეორე მატჩისთვის ჩვენი გუნდის სასტარტო შემადგენლობაში რვა ცვლილებაა. ჯაფარიძე თამაშს მარჯვენა ბურჯად იწყებს, შეიცვალა მარცხენა ბურჯიც და ძირითადში ირაკლი ჩომახაშვილი ითამაშებს. მეორე ხაზში სანდრო ქოიავას მიხეილ ბაბუნაშვილი შეუწყვილდება, მესამე ხაზში ფრთაზე ალექსანდრე კალმახელიძე, ხოლო რვა ნომრის პოზიციაზე ვანო ფუტკარაძე ითამაშებს. 

სამი ცვლილებაა უკანა ხაზში. ცხრა ნომრად თამაშს კობა ბუჯიაშვილი იწყებს, ცენტრში გიორგი ნათელაშვილი დადგება, ხოლო ფულბეკად დავით გობეჯიშვილი იქნება. 

ბესიკ ხამაშურიძე, საქართველო XV-ის მწვრთნელი: 

„ჩვენთან სეზონი ადრე დასრულდა. ბიჭები ბურთთან გაუცხოებული იყვნენ და პირველ თამაშში ამან პრობლემები შეგვიქმნა. თუმცა, სათამაშო სისტემაში მაინც ჩავჯექით და კარგი ლელოებიც გავიტანეთ. ინგლისის საგრაფოების ძალიან კარგ ნაკრებთან თამაშში გამოჩნდა, რომ ჩვენი მორაგბეები მათ ბევრად არ ჩამორჩებიან. თუ გავითვალისწინებთ იმას, რომ გვაკლდა ეროვნულ, 20-წლამდელთა და შვიდკაცა რაგბის ნაკრებებში გამოძახებული მოთამაშეები, ცუდად არ გვითამაშია და მოგების შანსიც გვქონდა“. 

მატჩი „ავჭალის სარაგბო სტადიონზე“ 18 საათზე დაიწყება. 

საქართველო XV
15. დავით გობეჯიშვილი (აია), 14. გურამ ქანდაურაშვილი (ხარები), 13. ბექა ურჯუკაშვილი (ბათუმი), 12. გიორგი ნათელაშვილი (ხარები), 11. ალექსანდრე სვანიძე (არმაზი), 10. დავით მოძღვრიშვილი (აკადემია), 9. კობა ბუჯიაშვილი (ხარები); 1. ირაკლიჩომახაშვილი (ხარები), 2. ბექა მამრიკიშვილი (ბათუმი), 3. ლუკა ჯაფარიძე (ბრივი), 4. მიხეილ ბაბუნაშვილი (აია), 5. ალექსანდრე ქოიავა (ბათუმი), 6. გურამ შენგელია (ჯიქი), 7. ალექსანდრე კალმახელიძე (არმია), 8. ვანო ფუტკარაძე (ბათუმი).

16. ლაშა შალიკაშვილი (ვეფხვები), 17. რამაზ რუხაძე (კემბრიჯი,), 18. რევაზ წიკლაური (აია), 19. ლაშა ჯაიანი (ექსეთერის უნივერსიტეტი), 20. ხვიჩა ბუჯიაშვილი (ბათუმი), 21. ვაჟა ხუციშვილი (ბათუმი), 22. მამუკა ნინიძე (ბათუმი), 23. ვანო ბერიკაშვილი (აკადემია), 24. რევაზ ჯინჯიხაძე (ლელო).

ყოველდღიური სპორტული გაზეთი "ლელო"
676
მკითხველის კომენტარები / 0 /
მსგავსი ამბები
რუბრიკის სხვა სიახლეები
;