თავისუფალი ჭიდაობა. მსოფლიოს ხინჩეგაშვილი, ხუციშვილი, გოგავა და მარსაგიშვილი იწყებენ

ბუდაპეშტში მიმდინარე თავისუფალი სტილით მოჭიდავეთა მსოფლიოს ჩემპიონატში ხვალ მორიგი ქართული კვარტეტი ჩაებმება, თუმცა, დღევანდელი დღისა არ იყოს, წილისწყრამ დიდად არც მათ გაუმართლა. ოღონდ ისევ დღევანდელი დღის მაგალითით ვიტყვით, რომ თუ მომზადებული ხარ, წარმატება შეუძლებელი სულაც არ არის.

ხონელი ოთარ გოგავა (57) საკვალიფიკაციო ეტაპზე კუბელ რაინერი ანდრეუ ორტეგას ხვდება, ამათში მოგებულს კი მერვედფინალში უნგრელ რაიმუნდ ფარკაშსა და კორეელ სუნგვონ კიმს შორის გამარჯვებული შეხვდება. ბადის ამავე ნახევარში ბევრი ტიტულოვანი ათლეტია: რუსი ევროპის წლევანდელი ფინალისტი ზაურ უგუევი, იაპონელი მსოფლიოს მოქმედი ჩემპიონი იუკი ტაკაჰაში, სომეხი მიჰრან ჯაბურიანი, ირანელი რეზა აჰმადალი ატრინაგჰარჩი, ბელარუსი და სხვები. 

 ძნელ ბადეშია ოლიმპიური და მსოფლიოს ჩემოპიონი, ევროპის სამგზის გამარჯვებული ვლადიმერ ხინჩეგაშვილიც (65): პირველივე შეხვედრაში ახალგაზრდებში მსოფლიოს წლევანდელი ფინალისტი, ხოლო უფროსებში აზიის მესამე  პრიზიორი ირანელი ამუირჰოსეინ აზიმ მაგსუდი, მას მოუგებს და თურქი ევროპის წლევანდელი ბრინჯაოს მედალოსანი სელაჰატინ კილიჩსალაიანი, იქვე ამერიკელი მსოფლიოს ჩემპიონი ლოგან ჯეფრი სტიბერი, მისთვის კარგად ნაცნობი რუსთა ჩეჩენი ევროპის ვიცე-ჩემპიონი ახმედ ჩაკაევი, მოლდოველი ევროპის პრიზიორი ანდრეი პერპელიტა, უკრაინელი ევროპისა და მსოფლიოს მედალოსანი ვასილ შუპტარი, ინდოელი ბანჯერგა და სხვები... ამათგან პერპელიტას ხინჩეგაშვილმა წლეულს ევროპის ჩემპიონატზე მოუგო.

დავით მარსაგიშვილი

ევროპისა და მსოფლიოს მედალოსანი დავით ხუციშვილი (74) საკვალიფიკაციო ეტაპზე ანგოლელ ფრანსისკო დე დეუს კადიმას ხვდება, ვისაც ყველა ლოგიკით, უნდა მოუგოს, მერე კი თურქ აიჰან სუჯუსა და უკრაინელ რუსტამ დუდაიევს შორის მოგებულს დაეჭიდება. ის ჯგუფში რუსთა დებიუტანტ ახმედ გაზიმაგომედოვთან მოხვდა, ვინც რეიტინგის ლიდერიცაა. იქვეა მონღოლთა მსოფლიოს ფინალისტი უნურბატ პურევჯავიც.

ევროპის ორგზის გამარჯვებული, მსოფლიოსა და ოლიმპიური მედალოსანი დავით მარსაგიშვილი (92) მერვედფინალში ძლიერ ამერიკელს, ოლიმპიურ და მსოფლიოს მესამე პრიზიორ მიშელ ტიბორ კოქს ხვდება. ამათში გამარჯვებულს მერე მოლდოველ ნიკოლაი ცებანსა და უნგრელ გაბორ ჰატოშს შორის მოგებული ელოდება. ბადის ამ მხარეს არიან რუსი ბატირბეკ ჩაკულოვი და ირანელი მსოფლიოს პრიზიორი ალირეზა კარიმანჩიანი, ვინც აგვისოტში აზიის თამაშებიც მოიგო.

955
მკითხველის კომენტარები / 0 /
მსგავსი ამბები
რუბრიკის სხვა სიახლეები
;