დღეს ეროვნული ლიგის ახალი სეზონი იწყება: გიორგი ჭიაბრიშვილი - 'ტიტული გვავალდებულებს!'.. გეგუჩაძე იმედიანადაა

დღეს, ეროვნული საფეხბურთო ლიგის ახალი სეზონი იწყება - 2019 წლის სეზონის პირველ შეხვედრაში ქვეყნის ჩემპიონი “საბურთალო” ლიგა 2-ის გასული სეზონის გამარჯვებულს, ბათუმის “დინამოს” დაუპირისპირდება.

გუშინ თბილისის ზღვაზე მდებარე ზესტაფონის ბაზაზე “საბურთალომ” და ბათუმის “დინამომ” მატჩისწინა ვარჯიში ჩაატარეს.

“სეზონის პირველი მატჩი ყოველთვის რთული და მნიშვნელოვანია. ბათუმის “დინამოს” სახით კი რთული მეტოქე გვეყოლება, რომელსაც ძლიერი მწვრთნელი და ძალიან კარგი შემადგენლობა გამოარჩევს. მაგრამ ჩვენ საქართველოს ჩემპიონები ვართ და ტიტული გვავალდებულებს, რომ ეს შეხვედრა მოვიგოთ”, - ამბობს “საბურთალოს” მთავარი მწვრთნელი გიორგი ჭიაბრიშვილი.

გია გეგუჩაძე პრობლემებს ახსენებს, მაგრამ ბათუმის “დინამოს” მთავარი მწვრთნელი მაინც იმედიან განწყობაზეა:
“სეზონს საქართველოს ჩემპიონთან მატჩით ვიწყებთ, რაც საპატიოა. ძალიან რთული შეხვედრა გველის. მართალია, ჩემპიონატი ხანგრძლივი მარათონია და საწყის თამაშებზე აქცენტებს არ ვაკეთებთ. ამას გარდა, ბევრი ახალწვეული გვყავს და ჯერ თამაში დასახვეწია. მაგრამ სეზონის კარგი დასაწყისი გვსურს და იმედია, წარმატებას მივაღწევთ”.

2019 წელსაც ფეხბურთის ფედერაციის პარტნიორი “საზოგადოებრივი მაუწყებელი” იქნება და ეროვნული ლიგის მატჩებს ექსკლუზიურად გააშუქებს. ეს მატჩი მიხეილ მესხის სახელობის სტადიონზე 19:00 საათზე დაიწყება. პირდაპირ ტელერეპორტაჟს “პირველი არხი” შემოგთავაზებთ.

ყოველდღიური სპორტული გაზეთი "ლელო"
1183
მკითხველის კომენტარები / 0 /
მსგავსი ამბები
რუბრიკის სხვა სიახლეები
;