დღეს კრემლში მსოფლიოს 2018 წლის ჩემპიონატის წილისყრა გაიმართება

დღეს, 1-ელ დეკემბერს, მოსკოვში, კრემლში, მსოფლიოს 2018 წლის ჩემპიონატის ჯგუფური ეტაპის წილისყრა გაიმართება. პლანეტის 32 საუკეთესო გუნდისგან, რომლებიც ოთხ კალათაში არიან განაწილებულნი, დაკომპლექტდება 8 ჯგუფი. ასევე დადგინდება 48 მატჩის კალენდარი.

ცერემონია თბილისის დროით 19:00 სთ-იდან დაიწყება.

წილისყრაზე, რომელსაც რუსეთის პრეზიდენტი ვლადიმირ პუტინიც დაესწრება, მიწვეულია 1300-ზე მეტი სტუმარი, მათ შორის მუნდიალის მონაწილე 32-იდან 30 ნაკრების მთავარი მწვრთნელი. ცერემონიას რუსი წამყვანი მარია კომანდნაია ინგლისის ნაკრების ლეგენდარულ ფორვარდ გარი ლინეკერთან ერთად წარუძღვება. კალათებიდან ბურთულების ამოღების პატივი ექნებათ ცნობილ ფეხბურთელებს დიეგო მარადონას ხელმძღვანელობით.

მუნდიალი 2018-ის ჯგუფური ეტაპის წილისყრის შედეგად რვა კვარტეტი დაკომპლექტდება. წინასწარ ცნობილია, რომ A ჯგუფის სათავეში ადგილს ჩემპიონატის მასპინძელი რუსეთი დაიკავებს.

მსოფლიოს 21-ე ჩემპიონატი ფეხბურთში 2018 წლის 14 ივნისიდან 15 ივლისის ჩათვლით რუსეთში გაიმართება. ტურნირს ქვეყნის 11 ქალაქის 12 სტადიონი უმასპინძლებს.

I კალათა: რუსეთი, გერმანია, ბრაზილია, პორტუგალია, არგენტინა, ბელგია, პოლონეთი, საფრანგეთი.

II კალათა: ესპანეთი, პერუ, შვეიცარია, ინგლისი, კოლუმბია, მექსიკა, ურუგვაი, ხორვატია.

III კალათა: დანია, ისლანდია, კოსტა რიკა, შვედეთი, ტუნისი, ეგვიპტე, სენეგალი, ირანი.

IV კალათა: სერბეთი, ნიგერია, ავსტრალია, იაპონია, მაროკო, პანამა, სამხ. კორეა, ს. არაბეთი.

1652
მკითხველის კომენტარები / 1 /
levani kaxeti
0
რუსეთს ვუსურვებ, ესპანეთს,დანიას და სერბეთს! ...ეგრეეეე!!!...
მსგავსი ამბები
რუბრიკის სხვა სიახლეები
;