[დღის კარიკატურა] რატომ უჭირავს ტოჩინოშინს თევზი?

ლევან გორგაძემ კვირას იმპერატორის თასი აღმართა და ქართველებს სუმოსადმი ინტერესი გაგვიათმაგა. თუ აქამდე ზოგი სპორტის სახეობადაც არ თვლიდა, მისთვის ახლა სუმო ჭიდაობის პრესტიჟული, უიშვიათესი სახეობაა.

თუმცა ასეთი ხალხისთვის ისევე, როგორც ჩემთვის ძალიან საინტერესო იყო ერთი რამ: რატომ დააჯილდოვეს ტოჩინოშინი თევზი თინუსით. ძვირფასი თევზი რომ იქნება, ეს გასაგებია, მაგრამ რატომ მაინცდამაინც თევზი?

ტრადიციების მოყვარული იაპონელები შემთხვევით არაფერს აკთებენ. ინტერნეტში ძრომიალის შემდეგ აღმოვაჩინე, რომ თინუსი საიმპერატორო თევზად ითვლება. მას მხოლოდ საპატიო ხალხს ჩუქნიან. ამ ჟესტით კი ბედნიერებას უსურვებენ.

საინტერესო ლინგვისტური დამთხვევაა (შემთხვევითია თუ არა, ეს კიდევ საკითხავია): იაპონურად თინუსს ტაი ჰქვია, ხოლო ბედნიერება, სიხარული ასე გამოითქმის - მედეტაი.

ვფიქრობ, ყველაფერი გასაგებია, ოღონდ სანახევროდ: კარიკატურაზე ტოჩინოშინს თინუსი უჭირავს, რატომ და რა დამსახურებისთვის, უკვე კარგად იცით. რა "ისტორიული" დატვირთვა აქვს მის მარჯვენა ხელზე წამოცმულ მანქანის ბორბალს და იქიდან მომზირალ თევზუკას?

აქ ისტორიაში ქექვა საჭირო არ არის, გაიკითხეთ, შიდა ქართლში ყველაზე გემრიელი ცოცხალი სად იჭირება... ძეგვს დაგისახელებენ. სწორედ ძეგვიდანაა იმპერატორის თასის მფლობელი ლევან გორგაძე. მანქანის საბურავის მდინარეში ჩაგება მურწისა თუ ციმორის დაჭერის გავრცელებული ხერხია.

აქვე არ შეიძლება ერთი სპორტული ფოტოპარალელი არ გავავლოთ: თევზი კიდევ ერთ ქართველ ჩემპიონს, ზაზა ფაჩულიასაც უყვარს. შარშან მან გამოაქვეყნა ფოტო რომელზეც თავად ჭიჭყინა უჭირავს, მის თანაგუნდელ კლეი ტომპსონს - მოზრდილი თევზი.

8392
მკითხველის კომენტარები / 4 /
ზ.კალორია
0
ტაი - თინუსი არაა. ქორჭილასებრია.

ამასთან თინუსი ჯობია ტაის. თინუსის სუში პირველია.

ტაის სუში შეიძლება არის მაგრამ ნაკლებად.
აბიმბოლა
0
ვინც თავმდაბლად,ღორჯოთი (სოფლის,რაიონის კლუბით) დაიწყებსო,საიმპერატორო თევზით(მსოფლიო არენით) დაამთავრებსო.
მსგავსი ამბები
რუბრიკის სხვა სიახლეები
;