[კარიკატურა] ქართველ კალათბურთელთა ხორუმი სერბეთში გამოზომილი ტაშის ფონზე

მიუხედავად იმისა, რომ სერბეთი ბელგრადში 23 თებერვალს დავამარცხეთ, ემოციები დღესაც არ განელებულა. ყველა აღტაცებით ლაპარაკობს ჩვენს ნაკრებზე, რომელმაც გულშემატკივარი ძალიან გაახარა. იცით, ამ გამარჯვებამ ხალხში დიდი გამოხმაურება რატომ ჰპოვა?

იმიტომ, რომ... ქართველები მოგებებს მონატრებულები ვართ. მითუმეტეს, დიდ მოგებებს - სერბეთის ნაკრები ხომ მსოფლიოს კალათბურთის საზომებით ტოპ-ხუთეულში შედის.

იმიტომ, რომ... ქართველებს კალათბურთი ძალიან გვიყვარს, რაც იქიდანაც ჩანს, რომ კარგად ვიცით, რას ნიშნავს სერბეთის მისსავე მოედანზე დამარცხება. სიყვარული შვეიცარიასთან თბილისურ მატჩშიც დავინახეთ - 6 ათასამდე გულშემატკივარი მოვიდა, დარბაზი თითქმის ბოლომდე შეივსო. 

იმიტომ, რომ... ძლიერი ნაკრები გვყავს. ქართველ ადამიანს სიამაყის გრძნობა მეტისმეტად აქვს განვითარებული. როდესაც ხედავს, რომ მისი მშობლიური ნაკრები მაღალი დონის კალათბურთს უჩვენებს, ძლიერი მოთამაშეებითაა დაკომპლექტებული, სიამაყის გრძნობა უათმაგდება. ასეც უნდა იყოს!

სოცქსელში უამრავი წერილი გამოქვეყნდა, სადაც სიტყვა "ვამაყობ" პირველივე აბზაცშია. საქართველოს ნაკრებს გამარჯვება მიულოცა თორნიკე შენგელიამ, რომელიც გუნდს ვერ ეხმარება, მიულოცა გოგა ბითაძემ, ზაზა ფაჩულიამ... გთავაზობთ რამდენიმე საინტერესო "პოსტს".

[VIDEO+PHOTO] ევრობასკეტი 2021. რეპორტაჟი აეროპორტიდან - საქართველოს ნაკრები სერბეთიდან დაბრუნდა

ვიდრე მათ გადაიკითხავდეთ, კარიკატურაზე ორი სიტყვით მოგახსენებთ. თუმცა, რა უნდა გითხრათ, ნახატზე ყველაფერი გარკვევითაა: ილიას ზუროსი გახარებულია, მაგრამ მაინც თავშეკავებით უკრავს ტაშს; იგორ კოკოშკოვი ჩვეული სიმშვიდით უყურებს მოედანზე მიმდინარე მოვლენებს; მოედანზე კი ქართული ხორუმია გაჩაღებული - შუა სერბეთში; გამოცდილ კალათბურთელებს მხრებზე ახალგაზრდები შეუსვამთ და ქართულად ცეკვავენ. ხორუმი ხომ ყველაზე გუნდური ცეკვის სახეობაა.

ვიქტორ სანიკიძე

GNT ✊🏻🇬🇪❤️ — in Belgrade, Serbia.


ნიკოლოზ მადეირა ნეფარიძე

<3 🏀
სრბსკა დამარცხებულია )
#იგორგვაპატიე


კობა ხატისაშვილი

სერბეთი - საქართველო 90:94!
წუთები, როცა გეამაყება, ქართველი რომ ხარ!
ილიას ზუროსი არის ჯადოქარი! ჩაიყვანა უმოტივაციო, ლამის განახევრებული გუნდი სერბეთში და რეალურად წასაგები თამაში მოუგო სერბებს!
მადლობა ბიჭებო! მეამაყებით!


გოჩა კაჭარავა

გილოცავთ ჩვენი საკალათბურთო ნაკრების და გურამ თუშიშვილის ბრწყინვალე გამარჯვებას!!!


მიშა ქავთარაძე

🇬🇪🇬🇪🇬🇪👍bravo! აი კალათბურთი მართლაც ჩვენი თამაშია! ერთი დამისახელეთ , რომელ სათამაშო სახეობაში თაგვიმარცხებია მსოფლიო გრანდები , თუ არა კალათბურთში! და ეს სპორტი გერის მდგომარეობაში გვყავს! არ დამიწყოთ ევრობასკეტიო, დარბაზიო. ეგეც ძალად გააკეთებინა ფიბამ და ქართულმა საკალათბურთო საზოგადოებამ.


ზურაბ ბოქოლიშვილი

ლომები!!!!!!! გილოცავთ ჩემო ბიჭებო!!!!! ❤️🏀❤️🏀❤️🏀❤️🏀

თაობათა ცვლა, როცა გადაჭარბების გარეშე ვარსკვლავები წავიდნენ გუნდიდან, უთამაშებელი და ტრავმირებული ბუ, ხელმოტეხილი მერაბიკო, რატი მხრის ჯერ კიდევ ბოლომდე მოუშუშებელი ტრავმით, ევროპის საუკეთესო მოთამაშის, თოკოს გარეშე, უნიჭიერესი გოგას გარეშე, ამარცხებ სერბეთს სადაც კალათბურთი რელიგიაა და რამდენიმე თანაბარი ძალის ნაკრები შეუძლია გამოიყვანოს, ამარცხებ სახლში, ვისაც უთამაშია ან ყოფილა ბელგრადში კალათბურთზე მიხვდება რასაც ვამბობ!!! ამარცხებ სუპერლიგის ბიჭებით, ტრიბუნებზე 30-50 მშობელი და ნათესავი რომ ვზივართ და გუნდები უკეთეს შემთხვევაში კვირაში ერთხელ თამაშობენ!!!! ეს გმირობაა, ეს პროფესიონალიზმია და ყველაზე მთავარი- ამ გუნდს არავისი არ ეშინია, რა დონის გრანდი არ იყოს მოწინააღმდეგე!!!! ევრობასკეტსაც ღირსეულად ჩავატარებთ, ბარე ორ ფავორიტსაც ვაჩვენებთ თუ რა არის კალათბურთი!!!!! #ქართულისული#GeoSoul#GoGeorgia#EuroBasket. მიყვარხართ და მეამაყებით ბიჭებო!!!


ირაკლი პერტაია

ესეც ასე: ბელგრადში სერბეთი დავამარცხეთ!
გენაცვალეთ ბიჭებო და ჩვენი ნაკრების ყველა ქომაგო 
სერბეთი 🇷🇸 90 v 94 🇬🇪 საქართველო


აჩიკო ნიჟარაძე 

გილოცავთ გამარჯვებას 🇬🇪🇬🇪🇬🇪
ყველას ვინც გულშემატკივრობთ ჩვენ ბიჭებს 🏀🏀🏀
ვამაყობ ჩვენი ბიჭებით 👍👍👍


მიშა ჟორჟოლიანი

თად მაკფადენ <3 ბიჯო, სერბეთში მოვიგეთ 

მარტივია სერბული ენა, გაიგებთ რაც წერია 

4832
მკითხველის კომენტარები / 0 /
მსგავსი ამბები
რუბრიკის სხვა სიახლეები
;