ევრობასკეტი 2021. კომენტარები ბელგარდში გამარჯვების შემდეგ:მოსაგებად გავედით და მოვიგეთ!

საქართველოს ნაკრები სერბეთიდან გამარჯვებული დაბრუნდა. ჩვენი გუნდი სტამბოლი-თბილისის რეისით 24 თებერვალს ჩამოვიდა.

[VIDEO+PHOTO] ევრობასკეტი 2021. რეპორტაჟი აეროპორტიდან - საქართველოს ნაკრები სერბეთიდან დაბრუნდა

აეროპორტში კალათბურთის ფედერაცის პრეზიდენტმა პაატა გურასპაულმა განაცხადა:

- ძალიან რთულია, ბელგრადში მოუგო სერბეთის ნაკრებს. უხეში შედარებაა, მაგრამ ეს დაახლოებით იგივეა, რაც ჩახვიდე ბრაზილიაში და მასპინძლები "მარაკანაზე" დამარცხო. ბედნიერი ვარ, რომ ჩვენმა ნაკრებმა თავაუღებელი შრომის შედეგად შეძლო ის, რაც თითქმის შეუძლებელი ჩანდა. იცით, რომ სერბეთში გულშემატკივრობა იციან და სტუმრებს ყოველთვის დიდი წნეხის ქვეშ უწევთ თამაში. ამის მიუხედავად საქართველოს ნაკრებმა საკუთარი თამაში უჩვენა და ამიტომაც ვართ დღეს ამაყნი. ეს მოგება ძალიან მნიშვნელოვანი იყო იმ გზაზე, რასაც ევრობასკეტისკენ მივყავართ.

დუდა სანაძე:
- ველოდით რთულ თამაშს. ჩვენი ნაკრები მოედანზე ყოველთვის მოსაგებად გადის, შინ იქნება ეს, თუ სტუმრად. არაერთხელ დაგვიმტკიცებია, რომ გრანდების დამარცხება შეგვიძლია. იგორ კოკოშკოვისთვის ეს პირველი საშინაო შეხვედრა იყო, მის გუნდს ძალიან უნდოდა მოგება. თავიდან ყველაფერი ისე არ გამოგვივიდა, როგორც გვსურდა. იყო ბევრი მინუსი, მაგრამ გამოვასწორეთ და დამსახურებულად გავიმარჯვეთ. მინდა მივულოცო გულშემატკივრებს, სამწვრთნელო შტაბის წევრებს, კალათბურთელებს, ჟურნალისტებს...

[სერბეთი-საქართველო 90:94] ისტორიული მატჩი ფოტოობიექტივში

გიორგი ტურძილაძე:
- საქართველოს ნაკრებში პირველი მატჩი შვეიცარიასთან ვითამაშე. სპორტის სასახლეში სავსე ტრიბუნების წინაშე რომ გავედი, ვინერვიულე და თამაში კარგად ვერ გამომივიდა. სერბეთში უკვე მობილიზებული ვიყავი, მეც და გუნდიც კარგად მოვემზადეთ, კარგად ვიყავით შეკრულები და სწორედ გუნდურობით, ქართული სულით გავიმარჯვეთ.

რატი ანდრონიკაშვილი:
- სერბეთის ნაკრებს შინ ძალიან ცოტა მატჩი ექნება წაგებული და სასიამოვნოა, რომ ერთ-ერთი ჩვენთანაა. საქართველოს ნაკრების მოგების მთავარი მიზეზი ჩვენი მონდომება იყო. არ გავსულვართ იმ განწყობით, რომ სერბეთია, ვიბრძოლებთ და რაც გამოვა, გამოვა. გავედით მოსაგებად, მთელი გული და სული ჩავდეთ. ერთმანეთს გვერდში ვედექით და შედეგიც ამან მოიტანა.

გიორგი კორსანტია:
- ეს გამარჯვება კიდევ ერთი წინგადადგმული ნაბიჯია ქართული კალათბურთისთვის. საქართველოს ნაკრებში დებიუტი შვეიცარიასთან მქონდა, საკმარისი დრო მქონდა სერბეთში, რაც ჩემთვის დიდი პატივი იყო. მითუმეტეს, რომ ვთამაშობდი ისეთი კალათბურთელების გვერდით, როგორებიც არიან გიორგი შერმადინი, თად მაკფადენი, ბექა ბურჯანაძე, გიორგი ცინცაძე...

537
მკითხველის კომენტარები / 0 /
მსგავსი ამბები
რუბრიკის სხვა სიახლეები
;