[VIDEO] ევრობასკეტი 2021. ჯვაროსნები ფიბა-მაც აღიარა - შერმადინი და მაკფადენი ტურის სიმბოლურში

საქართველოს კალათბურთელთა ნაკრებმა სერბეთი ბელგრადში 94:90 დაამარცხა. ამ შეხვედრას ფიბა-ს ოფიციალურ საიტზეც დიდი ყურადღება დაეთმო, ხოლო მეორე ტურის სიმბოლური ნაკრების შედგენისას ჩვენი ნაკრების ორი კალათბურთელი აღიარეს - თად მაკფადენი მსროლელის პოზიციაზე დააყენეს, გიორგი შერმადინი - ცენტრის.

იქვე ვკითხულობთ: "გიორგი შერმადინმა სერბეთში გამოანათა. მისი კარგი თამასის წყალობით საქართველოს ნაკრებმა შვეიცარიის შემდეგ სერბეთიც დაამარცხეს და ჯგუფს ერთპიროვნულად ლიდერობენ.

ბელგრადში შერმადინმა 14-დან 9 ორქულიანი, 6-დან 5 საჯარიმო ჩააგდო, 23 ქულა და 11 მოხსნა მოაგროვა. მარგი ქმედების კოეფიციენტი 29-ს გაუტოლდა.

თუმცა აქ საქართველოზე წერას არ ვასრულებთ, ილიას ზუროსის გუნდში გადამწყვეტ მომენტში მეტად ეფექტურად ითამაშა თად მაკფადენმა, რომელმაც 33 ქულას მოუყარა თავი, 11-დან 11 საჯარიმო, 4 სამქულიანი ჩააგდო და მატჩი 31 მარგი ქმედების კოეფიციენტით დაასრულა.

ქართველი ვარსკვლავების გვერდით სიმბოლურ ნაკრებში მოხვდნენ ბელგიელი ჯონათან ტაბი, რუსი ვიტალი ფრიძონი და ლიეტუველი ეიმანტას ბენზიუსი."

ფიბა-ს საიტზე გამოკითხვაა, რომლის მიზანი ტურის საუკეთესო კალათბურტელის გამოვლენაა. ცხადია, აქაც ჩვენიანები ლიდერობენ:

881
მკითხველის კომენტარები / 0 /
მსგავსი ამბები
რუბრიკის სხვა სიახლეები
;