ევროთასი. მანუჩარ მარკოიშვილი - სამქულიანი და რეჯო ემილიამ ბაიერნი დაამრცხა

საქართველოს ნაკრების უკანახაზემა მანუჩარ მარკოიშვილმა "რეჯო ემილიას" ევროთასზე გერმანული "ბაიერნი" დაამარცებინა. ქართველის გუნდმა ბავარიელებს 90:82 აჯობა. ამ მოგებით იტალიელებმა ევროთასის პლეი ოფში თამაშის უფლება მოიპოვეს. 

ანგარიშიდანაც ჩანს, რომ ერთმანეთის წინაშე თანაბარი ძალის გუნდები იდგნენ. ასეთ დროს კი ბევრს წყვეტს გამოცდილება. ამჯერად მანუჩარ მარკოიშვილის გამოცდილებამ გადაწყვიტა თამაშის ბედი:

სამი პერიოდის განმავლობაში მანუს მხოლოდ ერთი ორქულიანი ჰქონდა ჩაგდებული, ქულაუხვობით ვერც მეოთხეში გამოირჩა, მაგრამ თანაგუნდელებს სამქულიანი სწორედ მაშინ მოუტანა, როცა ყველაზე მეტად სჭირდებოდათ - საფინალო სირენამდე 2:30 წუთით ადრე, როდესაც ტაბლოზე "რეჯო ემილიას" სასარგებლოდ 78:77 ეწერა, მანუჩარმა შორეული გასროლით ანგარიშში სხვაობა 4 ქულამდე გაზარდა - 81:77.

ამის შემდეგ მან კიდევ სამი ქულა ჩააგდო (2+1) და მატჩის დასრულებამდე ზუსტად ერთი წუთით ადრე სხვაობას სოლიდური სახე მისცა - 88:80.
მანუს სტატისტიკა ასეთი იყო: 28 წუთი, 8 ქულა, 2 მოხსნა, 3 პასი, 1 ჩაჭრა. მის ანგარიშზე 4-დან 2 ორქულიანი, 7-დან 1 სამიანი და 1-დან 1 საჯარიმოა.

ცხადია, "ბაიერნის" დარი გუნდის დამარცხებისთვის მხოლოდ ერთი გამოცდილი კალათბურთელი საკმარისი არ არის. თუ ჩვენთვის მანუ იყო გამარჯვების ფაქტორი, იტალიელების მხრიდან რომ შევხედოთ, ამადეო დელა ვალე იყო მთავარი. მან 24 ქულა ჩააგდო და მატჩის ბომბარდირი გახდა. "ბაიერნს" კი 15 ქულით ბრეიდონ ჰობსმა ულიდერა.

"რეჯო ემილიას" ევროთასის გათამაშების B ჯგუფში 5-5 მოგება-წაგება აქვს და სატურნირო ცხრილში მეორე-მეოთხე პოზიციებს "გალათასარაისთან" და "ბუდუჩნოსტთან" იყოფს. პირველ პოზიციაზე კი "ბაიერნია", რომელსაც ერთადერთი წაგება აქვს.

ყოველდღიური სპორტული გაზეთი "ლელო"
1747
მკითხველის კომენტარები / 0 /
მსგავსი ამბები
რუბრიკის სხვა სიახლეები
;