ევროთასი. 1/2 ფინალი. მანუჩარ მარკოიშვილის სამქულიანი კრასნოდარში

მანუჩარ მარკოიშვილის "რეჯო ემილიამ" ევროთასის ნახევარფინალის პირველი მატჩი სტუმრად კრასნოდარში "ყუბანთან" ითამაშა და 65:82 დამარცხდა.

მასპინძლებმა მეორე პერიოდის ერთ მონაკვეთში, როცა ანგარიში თანაბარი იყო, 13:1 გაქცევა მოაწყეს, რის შემდეგაც იტალიელებისთვის დაწევის უფლება აღარ მიუციათ.

მანუჩარ მარკოიშვილი სამი პერიოდის განმავლობაში საკმარისზე მეტად დაიტვირთა, მეოთხეში კი მწვრთნელმა დაასვენა, რადგან კიდევ უფრო რთული განმეორებითი მატჩი ელის.

მანუს მონაგარი ასეთი იყო: 21 წუთი, 3 ქულა (3-დან 1 სამიანი), 6 პასი, 1 მოხსნა. ემილიელებმა მთავარი სნაიპერის, ამადეო დელა ვალეს გარეშე ითამაშეს. მატჩის ბომბარდირი კრასნოდარელი ამერიკელი ბრაიან ქვეილი გახდა - 16 ქულა.

ნახევარფინალური სერია ორ მოგებამდეა. ამ გუნდების მეორე შეხვედრა იტალიაში 23 მარტს გაიმართება. "რეჯო ემილიას" მოგების შემთხვევაში მესამე თამაშს კრასნოდარი უმასპინძლებს.

1274
მკითხველის კომენტარები / 0 /
მსგავსი ამბები
რუბრიკის სხვა სიახლეები
;