ევროლიგა: გიორგი შერმადინი მოსკოვის ცსკა-სთან დამარცხდა

24 ნოემბერს გამართულ ევროლიგის მე-9 ტურის შეხვედრაში მარცხი იწვნია გიორგი შერმადინის გუნდმა მალაგის "უნიკახამ", რომელმაც მოსკოვის ცსკა-სთან საშინაო შეხვედრა დათმო - 80:89.

თამაში გარდამავალი უპირატესობით წარიმართა. მესამე მეოთხედის შემდეგ მასპინძლები ანგარიშში 2-ქულიან უპირატესობას ფლობდნენ, თუმცა დასკვნითი პერიოდი ცუდად ჩაატარეს და გამარჯვება რეგულარული ჩემპიონატის სატურნირო ცხრილის ლიდერს დარჩა.

მალაგელთა ქართველმა ცენტრმა თამაში სასტარტო ხუთეულში დაიწყო, მოედანზე კი 11 წუთი დაჰყო, რა დროშიც 4 ქულა (4-იდან 1 ორქულიანი და 4-იდან 2 საჯარმო) მიითვალა. მის ანგარიშზე ასევე 2 მოხსნა და ერთი ჩაჭრაა.

მოედანზე ყველაზე შედეგიანი მოსკოველი სერხიო როდრიგესი იყო 21 ქულით.

მალაგის "უნიკახა" 3 მოგებით სატურნირო ცხრილში მე-14 ადგილზეა, მომდევნო შეხვედრას კი 1-ელ დეკემბერს სტუმრად "პანათინაიკოსის" წინააღმდეგ ჩაატარებს.

656
მკითხველის კომენტარები / 0 /
მსგავსი ამბები
რუბრიკის სხვა სიახლეები