ევროლიგა: თორნიკე შენგელიას ბასკონიას ზედიზედ მეექვსე მოგება

თორნიკე შენგელიას "ბასკონიამ" ევროლიგაზე ზედიზედ მეექვსე მატჩი მოიგო, თელ-ავივის "მაკაბი" 83:72 დაამარცხა. ქართველმა ფორვარდმა 20 წუთში 9 ქულა, 7 მოხსნა, 3 პასი და 1 ჩაჭრა მოაგროვა.

სეზონის დასაწყისში "ბასკონია" ევროლიგაზე მეტად არადამაჯერბლად ასპარეზობდა, თუმცა შემდეგ თამაშიც გამოასწორა და საპლეიოფო ზონაშიც შევიდა. თავიდან ბასკების მთავარი ამოცანა ტოპ-8-ში თელ-ავივის "მაკაბის" ადგილის დაკავება იყო, თუმცა ისრაელის კლუბი ამ ზონიდან ორი ტურის წინ გამოდევნეს და ახალი მიზნები დაისახეს.

შენგელიას თანაგუნდელები რომელ ადგილზე დაასრულებენ რეგულარულს, დამოკიდებულია მიმდინარე და ბოლო ტურის მატჩებზე. "ბასკონია" რეგულარულის დასკვნით შეხვედრას 5 აპრილს შინ, აუტსაიდერი "ეფესის" წინააღმდეგ გამართავს.

რაც შეეხება "მაკაბისთან" დაპირისპირებას, ბასკებმა პირველივე პერიოდში მოიპოვეს მცირე უპირატესობა და შეხვედრა იმდენად სტაბილურად ჩაატარეს, რომ მეტოქისთვის თამაშის გადარჩენის იმედიც არ მიუციათ.

ვიტორიელ იოჰან ვოიგტმანს მატჩის თანაბომბარდირობისთვის 14 ქულაც ეყო. "მაკაბიდან" ამდენი პიერ ჯექსონმა ჩააგდო.

1442
მკითხველის კომენტარები / 1 /
mixeili
0
tokoo gilocaav carmatebebiii bzobas gilocavt shegeciot dgevandeli dgis madli da dzalaaa
მსგავსი ამბები
რუბრიკის სხვა სიახლეები
;