ევროლიგა: თორნიკე შენგელიას 11 ქულა თელ-ავივში [VIDEO]

გაიმართა ევროლიგის მეორე ტურის მატჩები, რომელთაგან ჩვენთვის ყველაზე საინტერესო თელავივური დაპირისპირება იყო. ერთმანეთის წინააღმდეგ "მაკაბი" და "ბასკონია" წარდგნენ. დაძაბულ ბრძოლაში გაიმარჯვეს მასპინძლებმა - 74:68.

საინტერესოა, რომ ბასკებმა მატჩი შესანიშნავად დაიწყეს, საწყის წუთებზე 16:10 დაწინაურდნენ, თუმცა სწორედ 16-ზე გაიყინნენ და "მაკაბის" 13:0 გაქცევის უფლება მისცეს. ამის შემდეგ გამოცდილი ნევენ სპაჰიას გუნდს პაბლო პრიჯიონის შეგირდებისთვის დაწევის უფლება აღარ მიუცია.

თორნიკე შენგელია, რა თქმა უნდა, სასტარტო ხუთეულში იყო და პირველი ტაიმი შეუცვლელადაც ითამაშა, საბოლოოდ მოედანზე 33 წუთი გაატარა და მატჩი 11 ქულით, 5 მოხსნითა და 3 პასით დაასრულა. მის ანგარიშზე 9-დან 5 ორქულიანი და 2-დან 1 საჯარიმოა.

განსაკუთრებით მეორე ტაიმში უხვქულიანობით გამოირჩა ბასკონიელი როდრიგ ბობუა, რომელმაც 22 ქულა ჩააგდო. მატჩის ბომბარდირი კი "მაკაბის" ამერიკელი ლეგიონერი ნორის კოული გახდა - 24 ქულა.

20 ოქტომბერს ევროლიგაზე გიორგი შერმადინის "უნიკახა" ბერძნულ "ოლიმპიაკოსს" ესტუმრება. "ბასკონიას" კი მომდევნო საევროლიგო მატჩი 25 ოქტომბერს, შინ "ვალენსიასთან" ელის.

886
მკითხველის კომენტარები / 0 /
მსგავსი ამბები
რუბრიკის სხვა სიახლეები