ევროლიგა: შენგელია VS შერმადინი [VIDEO]

დიდი ხნის შესვენების შემდეგ ევროლიგაზე ქართული დუელი შედგა - თორნიკე შენგელიას "ბასკონიამ" გიორგი შერმადინის "უნიკახას" უმასპინძლა.

ბოლოს ქართველები ევროლიგაზე ერთმანეთის წინააღმდეგ 2013 წელს დადგნენ - გიორგი შერმადინი ("ოლიმპიაკოსი") და ვიქტორ სანიკიძე ("მონტეპასკი").
ოთხი წლის შემდეგ, "ბასკონიასა" და "უნიკახას" დაპირისპირებაში გამარჯვება მასპინძელ ბასკებს დარჩათ - 88:82.

წარმატებაში დიდი წვლილი მიუძღვის შენგელიას, რომელმაც 19 წუთში 12 ქულა, 6 მოხსნა, 2 პასი, 2 ჩაჭრა და 1 დაფარება მიითვალა. მან 7-7 ორქულიანიდან და საჯარიმოდან 4-4 ჩააგდო.

გიორგი შერმადინი სასტარტო ხუთეულში იყო, 14 წუთი ითამაშა, 2 ქულა და 3 მოხსნა ჩაიწერა.

"ბასკონიას" ევროლიგაზე 5 მოგება, 6 წაგება აქვს და მე-9 ადგილზეა, "უნიკახა" კი 3 გამარჯვებით მეთექვსმეტეა.

1281
მკითხველის კომენტარები / 0 /
მსგავსი ამბები
რუბრიკის სხვა სიახლეები
;