ევროპალიგა. 1/8 ფინალი: საბა კვირკველიას ლოკომოტივის 0:3 ატლეტიკოსთან [VIDEO]

ევროპალიგას შერჩენილი ერთადერთი ქართველის, საბა კვირკელიას "ლოკომოტივმა" პირველ საპლეიოფო შეხვედრაში მძიმე გასვლითი მარცხი იწვნია "ატლეტიკოსთან" - 0:3.

კვირკველიამ მინდორზე 90 წუთი გაატარა, თუმცა საკუთარი თანაგუნდელები მარცხს ვერც მან აარიდა.

თამაში თავიდან ბოლომდე "ათლეტებისა" იყო, საულ ნიგესის მიერ გატანილი გოლი კი დიდხანს არ დაგვავიწყდება. რა თქმა უნდა, ჩვენი სიმპათიები რუსი "რკინიგზელებისკენ" იყო გასაგები მიზეზის გამო, მაგრამ უნდა ვაღიაროთ, რომ ამ წყვილში ძალები, უბრალოდ, არათანაბარია.

"მილანმა" საშინაო შეხვედრაში ვერაფერი მოუხერხა "არსენალს". ორი ექსგრანდის დაპირისპირებას ტემპი არა და, კლასი გვარიანად კი აკლდა. უნდა გამოვარჩიოთ ჰენრიხ მხითარიანის გოლი - მცირე რიკოშეტის მიუხედავად, სომეხმა შემტევმა გემრიელად გაიტანა.

სენსაციურად დამარცხდა "დორტმუნდი", რომელმაც შინ "ზალცბურგს" მოუხარა ქედი. გერმანული კლუბი იმდენად არასტაბილურია, მისგან არაფერია გასაკვირი. არადა, შემადგენლობა ისეთი ჰყავს, თქვენი მოწონებული...

გვიანი შეხვედრებიდან უნდა გამოვარჩიოთ "მარსელის" ზეობა "ბილბაოსთან" მატჩში, ხოლო რაც შეეხება კიევის "დინამოს", უკრაინულმა კლუბმა მაგრად იბრძოლა რომში და ფავორიტ "ლაციოსთან" საპატიო ფრეს გამორჩა.

მილანი-არსენალი 0:2
გოლები: 0:1 მხითარიანი (15), 0:2 რემზი (45)

ატლეტიკო-ლოკომოტივი 3:0
გოლები: 1:0 საულ ნიგესი (22), 2:0 დიეგო კოშტა (47), 3:0 კოკე (90)

ცსკა-ლიონი 0:1
გოლი: 0:1 მარსელო (68)

დორტმუნდი-ზალცბურგი 1:2
გოლები: 0:1 ბერიშა (49-პენ), 0:2 ბერიშა (56), 1:2 შიურლე (62)

ლაციო-დინამო (კ) 2:2
გოლები: 0:1 ციგანკოვი (52), 1:1 იმობილე (54), 2:1 ფელიპე ანდერსონი (62), 2:2 მორაეში (79)



მარსელი-ბილბაო 3:1
გოლები: 1:0 ოკამპოსი (1), 2:0 პაიე (14), 2:1 ადურისი (45-პენ), 3:1 ოკამპოსი (58)

ლაიპციგი-ზენიტი 2:1
გოლები: 1:0 ბრუმა (56), 2:0 ვერნერი (76), 2:1 კრიშიტო (86)

სპორტინგი-პლზენი 2:0
გოლები: 1:0 მონტერო (45), 2:0 მონტერო (49)

ყოველდღიური სპორტული გაზეთი "ლელო"
1123
მკითხველის კომენტარები / 0 /
მსგავსი ამბები
რუბრიკის სხვა სიახლეები
;