ევროპა ლიგა. III ტური: კაშიას ავტოგოლი, ჟირუს სუპერგოლი და... ნაპოლეონი! [VIDEO]

გუშინ ევროპალიგაში ოთხი ქართველის გუნდმა ითამაშა. ამ ტურნირზე განვითარებული ბატალიების მიმოხილვა სწორედ ჩვენებურების მონაგარის შეფასებით დავიწყოთ.

არნემის "ვიტესი" გასვლაზე დაუპირისპირდა ბელგიურ "ვარეგემს" და 1:1 ითამაშა. სამწუხაროდ, საკუთარ კარში ჩაჭრა ბურთი ჰოლანდიური კლუბის კაპიტანმა გურამ კაშიამ. ამის მიუხედავად, "ვიტესმა" მაინც შეძლო ქულის გადარჩენა, თუმცა საკითხავია, რამდენად ეყოფა ეს საბოლოო წარმატებისთვის.

ჯაბა ჯიღაურის "ვარდარი" შინ განადგურდა "სოსიედადთან". ჯიღაურს ორი მომენტი ჰქონდა, მაგრამ ბასკთა კარის აღება ვერ მოახერხა. კაშიას დარად, მანაც 90 წუთი ითამაშა. "სოსიედადის" უპირატესობა უდიდესი იყო. პოკერი მიითვალა ვილიან ჟოზემ.

ბატე-მ ერთხელაც დაამტკიცა საკუთარი ძალა და შინ ბუნდესლიგური "კიოლნი" დასცა. ამ საქმეში მონაწილეობა არ მიუღია საქართველოს ნაკრების ნახევარმცველ ვაკო გვილიას. ზოგადად, ის თითქმის არ თამაშობს ბატე-ში და დროა, ახალ კლუბზე იფიქროს.

საბა კვირკველიას "ლოკომოტივი" გასვლაზე დაუზავდა "შერიფს" - 1:1. კვირკველიამ მინდორზე 90 წუთი გაატარა.

ახლა სათამაშო დღის სხვა გამორჩეულ მოვლენებზე. "არსენალმა" სტუმრად მოუგო "ცრვენა ზვეზდას". ვისაც ეს მატჩი არ გინახავთ, აუცილებლად უნდა ნახოთ და ოლივიე ჟირუს მიერ გატანილი გოლით დატკბეთ.

"ზენიტის" არგენტინელმა შემტევმა ემილიანო რიგონიმ 3 გოლი გაუტანა "რუსენბორგს". ისევ ძალიან ცუდი იყო "ბილბაო". "ლაციომ" კი არ დააგდო სერია A-ში აღებული ტემპი და ლამის მეორე შემადგენლობით გასვლაზე "ნიცა" დაამარცხა.

ისევ კოჭლობს "მილანი". ვინჩენცო მონტელას გუნდმა საშინაო ასპარეზზე ბერძნული აეკ-ის ძლევა ვერ მოახერხა. მასპინძლებს ბევრი მომენტი კი ჰქონდათ, მაგრამ... გოლი ვერ გამოადნეს.

მორიგი სამარცხვინო მატჩი ჩაატარა "ევერტონმა", რომელმაც საშინაო კედლებში მოუხარა ქედი "ლიონს". წესით, რონალდ კუმანს დიდი დღე აღარ დარჩენია მთავარი მწვრთნელის პოსტზე...

მომქანცველი დღის შემდეგ განტვირთვაც მოგვიხდება: "ბაშაქშეჰირის" შემადგენლობაში გოლი... "თვით" ნაპოლეონმა გაიტანა...

A ჯგუფი
ასტანა-მაკაბი 4:0
გოლები: 1:0 ტვუმასი (33), 2:0 ტვუმასი (42), 3:0 კაბანანგა (47), 4:0 კაბანანგა (52)

ვილიარეალი-სლავია 2:2
გოლები: 0:1 ნეციდი (18), 0:2 დანი (30), 1:2 ტრიგეროსი (41), 2:2 ბაკა (44)

მომდევნო ტური
2 ნოემბერი: მაკაბი-ასტანა, სლავია-ვილიარეალი

B ჯგუფი
დინამო კ-იანგ ბოიზი 2:2
გოლები: 0:1 ასალე (17), 1:1 მბოკანი (34), 1:2 ასალე (39), 2:2 მოროზიუკი (49)
გაძევება: სანოგო (62. იანგ ბოიზი)

სკენდერბეუ-პარტიზანი 0:0

მომდევნო ტური
2 ნოემბერი: იანგ ბოიზი-დინამო კ; პარტიზანი-სკენდერბეუ

C ჯგუფი
ბრაგა-ლუდოგორეცი 0:2
გოლები: 0:1 მოტი (25), 0:2 სილვა (56-საკ. კარში)

ჰოფენჰაიმი-ბაშაქშეჰირი 3:1
გოლები: 1:0 ჰუბერი (52), 2:0 ამირი (59), 3:0 შულცი (75), 3:1 ნაპოლეონი (90)

მომდევნო ტური
2 ნოემბერი: ბაშაქშეჰირი-ჰოფენჰაიმი, ლუდოგორეცი-ბრაგა

D ჯგუფი
აუსტრია-რიეკა 1:3
გოლები: 0:1 გავრანოვიჩი (21), 0:2 გავრანოვიჩი (31), 1:2 ფრიზენბიხლერი (90), 1:3 კვრჟიჩი (90)

მილანი-აეკ 0:0

მომდევნო ტური
2 ნოემბერი: აეკ-მილანი, რიეკა-აუსტრია

E ჯგუფი
ევერტონი-ლიონი 1:2
გოლები: 0:1 ფეკირი (6-პენ), 1:1 უილიამსი (69), 1:2 ტრაორე (75)

ატალანტა-აპოლონი 3:1
გოლები: 1:0 ილიჩიჩი (12), 1:1 შკემბრი (59), 2:1 პატანია (64), 3:1 ფროილერი (66)

მომდევნო ტური
2 ნოემბერი: ლიონი-ევერტონი, აპოლონი-ატალანტა

F ჯგუფი
შერიფი-ლოკომოტივი 1:1
გოლები: 0:1 მირანჩუკი (17), 1:1 ბადიბანგა (31)

ზლინი-კოპენჰაგენი 1:1
გოლები: 1:0 დიოპი (11), 1:1 ანკერსენი (19)

მომდევნო ტური
2 ნოემბერი: ლოკომოტივი-შერიფი, კოპენჰაგენი-ზლინი

G ჯგუფი
ლუგანო-პლზენი 3:2
გოლები: 1:0 ბოტანი (63), 2:0 კარლიტოსი (69), 2:1 კრმენჩიკი (76), 3:1 გრენდტი (88), 3:2 ბაკოში (90)

ბეერ შევა-სტიაუა 1:2
გოლები: 0:1 გნოერე (70), 0:2 გნოერე (75), 1:2 კუენკა (87)

მომდევნო ტური
2 ნოემბერი: პლზენი-ლუგანო, სტიაუა-ბეერ შევა

H ჯგუფი
ბატე-კიოლნი 1:0
გოლი: 1:0 რიოსი (55)

ცრვენა ზვეზდა-არსენალი 0:1
გოლი: 0:1 ჟირუ (85)
გაძევება: როდიჩი (80. ცრვენა ზვეზდა)
არსენალი (3-4-2-1): ჩეხი - დებიუში, ელნენი, ჰოლდინგი - ნელსონი, კოკელენი (90. შეფი), უილოკი (89. მაკგუაინი), მაიტლენდ-აილსი - უოლკოტი, უილშირი - ჟირუ.

მომდევნო ტური
2 ნოემბერი: არსენალი-ცრვენა ზვეზდა, კიოლნი-ბატე

I ჯგუფი
კონიასფორი-ზალცბურგი 0:2
გოლები: 0:1 გულბრანდსენი (5), 0:2 დაბური (80)

მარსელი-გიმარაეში 2:1
გოლები: 0:1 მარტინში (17), 1:1 ოკამპოსი (28), 2:1 ლოპესი (76)

მომდევნო ტური
2 ნოემბერი: ზალცბურგი-კონიასფორი, გიმარაეში-მარსელი

J ჯგუფი
ოსტერსუნდსი-ბილბაო 2:2
გოლები: 0:1 ადურისი(14), 1:1 გერო (52), 2:1 ედვარდსი (64), 2:2 უილიამსი (89)

ზორია-ჰერტა 2:1
გოლები: 1:0 სილასი (42), 1:1 ზელკე (56), 2:1 სვატოკი (79)

მომდევნო ტური
2 ნოემბერი: ბილბაო-ოსტერსუნდსი, ჰერტა-ზორია

K ჯგუფი
ნიცა-ლაციო 1:3
გოლები: 1:0 ბალოტელი (4), 1:1 კაისედო (5), 1:2 მილინკოვიჩ-სავიჩი (65), 1:3 მილინკოვიჩ-სავიჩი (89)

ვარეგემი-ვიტესი 1:1
გოლები: 1:0 კაშია (23-საკ. კარში), 1:1 ბრუნსი (27)

მომდევნო ტური
2 ნოემბერი: ვიტესი-ვარეგემი, ლაციო-ნიცა

L ჯგუფი
ზენიტი-რუსენბორგი 3:1
გოლები: 1:0 რიგონი (1), 2:0 რიგონი (67), 3:0 რიგონი (75), 3:1 ჰელანდი (88)

ვარდარი-სოსიედადი 0:6
გოლები: 0:1 ოიარსაბალი (12), 0:2 ვილიან ჟოზე (34), 0:3 ვილიან ჟოზე (42), 0:4 ვილიან ჟოზე (55), 0:5 ვილიან ჟოზე (59), 0:6 დე ლა ბელა (90)

მომდევნო ტური
2 ნოემბერი: რუსენბორგი-ზენიტი, სოსიედადი-ვარდარი.

ყოველდღიური სპორტული გაზეთი "ლელო"

927
მკითხველის კომენტარები / 0 /
მსგავსი ამბები
რუბრიკის სხვა სიახლეები