შურისძიება ახლობელი, ორსული ადამიანისთვის? ევროპის ვიცე-ჩემპიონი იური ლომაძე ჯგუფური ძალადობის ბრალდებით დააკავეს...

ევროპისა ვიცე-ჩემპიონი იური ლომაძე დააკავეს. მას ადამიანის გატაცება და წამება ედება ბრალად. მისი ბრალეულობის შესახებ ქვემოთ წაიკითხავთ, მანამდე კი გთავაზობთ ვერსიას, რამ გადაადგმევინა მას ასეთი ნაბიჯი. ფეისბუქის გვერდი MMA Georgia ასეთ პოსტს ავრცელებს:

"ეს ახალგაზრდა ბიჭი ოზურგეთელი იური ლომაძეა. არის ევროპისა და მსოფლიოს ვიცე ჩემპიონი ბერძნულ რომაულ ჭიდაობაში.

დააკავეს ადამიანის გატაცებისა და წამების ფაქტზე.

ჩვენმა მედიამ უკვე მონსტრად წარმოაჩინა, და ლანძღავენ, არამარტო მას, არამედ ყველა სპორტსმენს გადასწვდნენ.
არავის გასჩენია კითხვა თუ რატომ მოხდა, რამ აიძულა ახალგაზრდა სპორტსმენი გადაედგა ეს ნაბიჯი, და დაენგრია თავისი კარიერა?!

აღარ დავაკონკრეტებ ფაქტებს, მაგრამ, როცა ვიღაც ძალადობს ფიზიკურად აუპატიურებს შენს ახლობელ ადამიანს (რომელიც არის ორსული) მეტის ღირსია.

ქალის ღირსების დაცვა ვაჟკაცობაა და არა დანაშაული."

IPN.ge-ზე ვკითხულობთ:

"ბათუმის საქალაქო სასამართლოს გადაწყვეტილებით თავისუფლების უკანონო აღკვეთისა და ჯგუფური ძალადობის ბრალდებით დაკავებულ 5 პირს პატიმრობა შეეფარდა.

გადაწყვეტილება მოსამართლე ვიოლეტა ფორჩხიძემ მიიღო.

ბრალდებულების ადვოკატები სასამართლოს გადაწყვეტილების გასაჩივრებას გეგმავენ. მათ მიაჩნიათ, რომ სასამართლოს შუამდგომლობა გირაოს შეფარდებასთან დაკავშირებით უნდა გაეთვალისწინებინა, რადგან დაკავებულები ნასამართლევები არ არიან.

თავად ბრალდებულები დუმილის უფლებას იყენებენ.

დაკავებულების ოჯახის წევრები კი მოქალაქის გატაცების ფაქტს უარყოფენ.

როგორც ცნობილია ერთ-ერთი დაკავებული ბერძნულ-რომაულ ჭიდაობაში საქართველოს ჩემპიონი იური ლომაძეა.

შინაგან საქმეთა სამინისტროს ცნობით, პოლიციამ ჩატარებული ოპერატიულ-სამძებრო და საგამოძიებო მოქმედებების შედეგად, ხუთი პირი დააკავა. მათ ბრალი წინასწარი შეთანხმებით ჯგუფის მიერ თავისუფლების უკანონო აღკვეთასა და ჯგუფურად ჩადენილ ძალადობაში ედებათ. დანაშაული 2- დან 10 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულებმა 1988 წელს დაბადებულ ნ.ძ.-ს ქალაქ ბათუმში, შურისძიების მოტივით, თავისუფლება უკანონოდ აღუკვეთეს, კერძოდ, ძალის გამოყენებით ჩასვეს მ.ბ.-ს მართვის ქვეშ მყოფ ავტომობილში, წაიყვანეს ოზურგეთის მუნიციპალიტეტის სოფელ ბოხვაურში, ერთ-ერთი მოქალაქის საცხოვრებელ სახლში, სადაც ფიზიკურად გაუსწორდნენ."

7420
მკითხველის კომენტარები / 1 /
მოქალაქე
4
უნდა ჩამოერთვას ეგ ტიტულები! თუ ვინმემ ვინმე გააუპატიურა და დაამცირა ამისთვის სასამართლო და პოლიცია არსებობს. იტაცებ მიგყავს და სცემ ეგრე სადაა. ჯუნგლებში ხო არ ვართ?!
მსგავსი ამბები
რუბრიკის სხვა სიახლეები
;