ევროპალიგაზე წილი იყარა: კანკავა და კვეკვესკირი საქართველოში მოდიან

ევროპის ლიგაზე გაირკვა ქართული გუნდების მეტოქეთა ვინაობა.

სამივე გუნდს საკამოდ ძლიერი მოწინააღმდეგე შეხვდა. შესაძლო მეტოქეებიდან (სლოვენიური "მარიბორი", სლოვაკური "ტრენჩინი", რუმინული "ვიტორული", აზერბაიჯანული "ნეფთჩი", ყაზახური "ტობოლი") "სამტრედიას" ერთ-ერთი ყველაზე უსიამოვნო მოწინააღმდეგესთან, ყაზახური "ტობოლთან" დაპირისპირება მოუწევს, სადაც საქართველოს ნაკრების ორი ნახევარმცველი - კაპიტანი ჯაბა კანკავა და ნიკა კვეკვესკირი თამაშბს.

თბილისის "დინამოს" პოტენციური ხუთეულიდან (ლუქსემბურგის "პროგრესი", ბოსნიური შიროკი ბრიეგი", მაკედონიური"შკუპი", ლიეტუვას "სტუმბრასი") სლოვაკეთის "დუნაისკა სტრედა" შეხვდა.
პირველ შეხვედრას სლოვაკები უმასპინძლებენ, ხოლო მეორე "დინამო-არენაზე" გაიმართება.

საჩხერეს "ჩიხურას" ხუთი შესახლო მეტოქე ჰყავდა - პოლონური "ლეხი", ისრაელის "ბეითარი", ბულგარული "ლევსკი", ყაზახური "ირტიში" და ბოსნიური "ჟელეზნიჩარი". მასაც მძიმე მოწინააღმდეგე ეყოლება - ისრაელის "ბეითარი". "სამტრედიას" მსგავსად, საჩხერელები პირველ მატჩს სახლში გამართავენ, ხოლო განმეორებითს - გასვლაზე.

სულ პირველ და მეორე საკვალიფიკაციო ეტაპზე 121 გუნდი ითამაშებს. პირველი ეტაპის მატჩები 12 და 19 ივლისს გაიმართება, ხოლო მეორე - 26 ივლისს და 2 აგვისტოს.

820
მკითხველის კომენტარები / 0 /
მსგავსი ამბები
რუბრიკის სხვა სიახლეები