ევროპის ჩემპიონატი. სულუხია და ოდიკაძე ბრინჯაოსთვის იჭიდავებენ

თავისუფალ ჭიდაობაში დაიწყო ვეროპის ჩემპიონატი, რომელშიც რამდენიმე ქართველი უკვე ჩაება.

65 კგ

ჩვენი ოლიმპიური ჩემპიონი ლადო ხინჩეგაშვილი (65კგ) შეჯიბრებაში მერვედფინალიდან ჩაერთო, სადაც აზერბაიჯანელს შეხვდა. შედეგი მოულოდნელი იყო: ალი რაჰიმზადემ 7:0 გაიმარჯვა. 

70 კგ

ქუთაისელი მირზა სხულუხიაც (70) მერვედფინალიდან ჩაება ევროპის ჩემპიონატში, სადაც ლიეტუველ არტემ აუგას გაეჯიბრა. ჩვენს მოჭიდავეზე აუგი არ დაგვცდება: აუგას მოუგო და ნახევარფინალში მეტოქედ იტალიელი ჯანლუკა ტალამო ჰყავს, რომელმაც კოსოვოელი ალბან სოფას აჯობა.

სულუხიამ პირველი პერიოდი მინიმალური სხვაობით მოიგო, მეორეში კი თავისი შესაძლებლობები კარგად გამოავლინა და საბოლოოდ 6:0 გაიმარჯვა.

სულუხიამ მეოთხედფინალიც დამაჯერებლად იჭიდავა, შანსი არ დაუტოვა იტალიელ ჯანლუკა ტალამოს - 6:2.

ისე კი არც სხულუხიას გაუმართლა - ამ მხარეს მოხვდნენ რუსი ისრაილ კასუმოვი, თურქი ჰეიდარ იავუზი და პოლონელთა დაღესტანელი ევროპის ჩემპიონი, მსოფლიოს ფინალისტი მაგომედმურად გაჯიევი.

სწორედ გაჯიევს შეხვდა სულუხია 1/2 ფინალში. დაძაბულ ბრძოლაში გამარჯვება პოლონელ-დაღესტნელს ერგო. 

97 კგ

საკვალიფიკაციო ეტაპიდან თავისუფალი იყო ჩვენი გუნდის კიდევ ერთი ლიდერი, თბილისელი ევროპის ფინალისტი და მსოფლიოს მესამე პრიზიორი ელიზბარ ოდიკაძე (97). იგი მერვედფინალიდან ჩაება ტურნირში და პირველი პაექრობა ახალგაზრდა სომეხ სარგის ჰოვსეპიანთან ჩაატარა.

როგორც მოსალოდნელი იყო, გამოცდილმა ქართველმა გაიმარჯვა - 5:0.

მეოთხედფინალში ოდიკაძემ ბელარუს ხრამიანკოუს სამქულიანი უპირატესობით (6:3) აჯობა და სულუხიას დარად ისიც ნახევარფინალში გავიდა.

1/2 ფინალში ელიზბარის მეტოქე რუსთა შეუჩერებელი და უკლებლივ ყველა დიდი ტიტულის მომგები დაღესტანელი აბდულრაშიდ სადულაევი იყო, რომელმაც უნაკლოდ იჭიდავა და ორიკაძეს გამარჯვების შანსი არ დაუტოვა. ასე და ამგვარად, მირზა სულუხია და ელიზბარ ოდიკაძე 15 თებერვალს ბრინჯაოს მედლისთვის იბრძოლებენ.

3059
მკითხველის კომენტარები / 0 /
მსგავსი ამბები
რუბრიკის სხვა სიახლეები
;