ევროტურნირები. პლეი ოფის წილისყრა: რა წყვილები, რა მატჩები

გუშინ ნიონში ჩემპიონთა და ევროპალიგის პლეი ოფების წილისყრა გაიმართა. ევროპის მთავარ საკლუბო ტურნირში მივიღეთ ორი სუპერწყვილი, თუმცა დაძაბულობა არც რანგით მეორე ტურნირის შეხვედრებს უნდა მოაკლდეს.

ყველაფერზე თანმიმდევრობით ვთქვათ. ჯერ გავეცნოთ წილისყრის შედეგებსა და განრიგს, ბოლოს კი კომენტარებსაც შემოგთავაზებთ...

ჩემპიონთა ლიგა

იუვენტუსი  (იტალია)  -  ტოტენჰემი (ინგლისი)
ბაზელი  (შვეიცარია)  -  მანჩესტერ სიტი (ინგლისი)

პორტუ  (პორტუგალია) -  ლივერპული (ინგლისი)
სევილია  (ესპანეთი) -  მანჩესტერ იუნაიტედი (ინგლისი)

რეალი  (ესპანეთი)  - პარი სენ-ჟერმენი (საფრანგეთი)
შახტარი  (უკრაინა)  - რომა (იტალია)

ჩელსი  (ინგლისი)  - ბარსელონა (ესპანეთი)
ბაიერნი  (გერმანია)  - ბეშიქთაში (თურქეთი)

1/8 ფინალის პირველი მატჩები 13-14 და 20-21 თებერვალს, ხოლო საპასუხო შეხვედრები 6-7 და 13-14 მარტს გაიმართება

პირველი მატჩები

სამშაბათი, 13 თებერვალი

იუვენტუსი-ტოტენჰემი
ბაზელი-მანჩესტერ სიტი

ოთხშაბათი, 14 თებერვალი

პორტუ-ლივერპული
რეალი-პარი სენ-ჟერმენი

სამშაბათი, 20 თებერვალი

ჩელსი-ბარსელონა
ბაიერნი-ბეშიქთაში

ოთხშაბათი, 21 თებერვალი

სევილია-მანჩესტერ იუნ
შახტარი-რომა

საპასუხო მატჩები

სამშაბათი, 6 მარტი

ლივერპული-პორტუ
პარი სენ-ჟერმენი-რეალი

ოთხშაბათი, 7 მარტი

ტოტენჰემი-იუვენტუსი
მანჩესტერ სიტი-ბაზელი

სამშაბათი, 13 მარტი
მანჩესტერ იუნ-სევილია
რომა-შახტარი

ოთხშაბათი, 14 მარტი

ბეშიქთაში-ბაიერნი
ბარსელონა-ჩელსი

ევროპალიგა

დორტმუნდი (გერმანია)-ატალანტა (იტალია)
ნიცა (საფრანგეთი)-ლოკომოტივი (რუსეთი)

კოპენჰაგენი (დანია)-ატლეტიკო (ესპანეთი)
სპარტაკი (რუსეთი)-ბილბაო (ესპანეთი)

აეკ (საბერძნეთი)-დინამო (უკრაინა)
სელტიკი (შოტლანდია)-ზენიტი (რუსეთი)

ნაპოლი (იტალია)-ლაიპციგი (გერმანია)
ცრვენა ზვეზდა (სერბეთი)-ცსკა (რუსეთი)

ლიონი (საფრანგეთი)-ვილიარეალი (ესპანეთი)
სოსიედადი (ესპანეთი)-ზალცბურგი (ავსტრია)

პარტიზანი (სერბეთი)-პლზენი (ჩეხეთი)
სტიაუა (რუმინეთი)-ლაციო (იტალია)

ლუდოგორეცი (ბულგარეთი)-მილანი (იტალია)
ასტანა (ყაზახეთი)-სპორტინგი (პორტუგალია)

ოსტერსუნდსი (შვედეთი)-არსენალი (ინგლისი)
მარსელი (საფრანგეთი)-ბრაგა (პორტუგალია)

1/16 ფინალის პირველი მატჩები 15 თებერვალს, საპასუხო შეხვედრები კი 22 თებერვალს გაიმართება.

ახლა გავეცნოთ იმ კომენტარებს, რომლებიც წილისყრის დასრულების შემდეგ გააკეთეს ჩემპიონთა ლიგაში მონაწილე კლუბების წარმომადგენლებმა.

ჩიკი ბეგერესტაინი ("სიტის" სპორტული დირექტორი): "ჩვენ გვყავს მოწინააღმდეგე, რომელსაც ბოლომდე უნდა ვცეთ პატივი. ჯგუფის შეხვედრებში მივიღეთ დიდი გამოცდილება და ვაჩვენეთ, რომ თანაბრად შეგვიძლია ვითამაშოთ როგორც შინ, ისე სტუმრად".

რაფაელ ვიკი ("ბაზელის" მთავარი მწვრთნელი): "ყველას შემიძლია მივცე პირობა, რომ ბოლომდე ვიბრძოლებთ. სხვა გამოსავალი არ არის. ეს ჩვენთვის დიდი გამოცდა იქნება".

უნაი ემერი (პსჟ-ის მთავარი მწვრთნელი): "ჩვენ შეგვიძლია, ვიბრძოლოთ "რეალის" წინააღმდეგ და მივაღწიოთ წარმატებას. ამისთვის ბოლომდე მობილიზება დაგვჭირდება. ამ შეხვედრებში უნდა გამოჩნდეს, თუ რისი ძალა შეგვწევს".

ემილიო ბუტრაგენიო ("რეალის" დირექტორი): "ეს წყვილი იმსახურებდა ფინალს. მეტოქე ყოველ წელს უფრო ძლიერი და ძლიერი ხდება, ჩვენი მიზანი კი უცვლელია. "რეალი" ტიტულის დაცვას აპირებს".

პაველ ნედვედი ("იუვენტუსის" ვიცე-პრეზიდენტი): "ჩვენი გუნდისთვის ნორმალური წილისყრა იყო. "ტოტენჰემს" გასულ ზაფხულს ამხანაგურ მატჩში შევხვდით და წავაგეთ. რა თქმა უნდა, დიდებული მეტოქე გვყავს. მინდა გამოვყო მაურისიო პოჩეტინოს კარგი მუშაობა".

მაურისიო პოჩეტინო ("ტოტენჰემის" მთავარი მწვრთნელი): "ჩვენი დიდი პატივისცემა მეტოქეს. ვნახოთ, რა და როგორ იქნება. ძალიან საინტერესო შეხვედრებს ველოდები".

სერჟიო კონსეისაო ("პორტუს" მთავარი მწვრთნელი): "ჩვენ ვითამაშებთ მსოფლიოს ერთ-ერთი საუკეთესო გუნდის წინააღმდეგ. გვჯერა საკუთარი თავის და ბრძოლისთვის მზად ვართ".

იურგენ კლოპი ("ლივერპულის" მთავარი მწვრთნელი): "გვინდა, ამ დიდებულ ტურნირზე ჩვენი ყოფნა რაც შეიძლება დიდხანს გაგრძელდეს".

ფიკრეტ ორმანი ("ბეშიქთაშის" პრეზიდენტი): "ვერ ვიტყვი, რომ გაგვიმართლა. ეს არის დიდი გამოწვევა ორივე გუნდისთვის".
იუპ ჰაინკესი ("ბაიერნის" მთავარი მწვრთნელი): "ჩვენ გვაქვს დიდი გამოცდილება და სურვილი, რომ ვითამაშოთ გადამწყვეტ შეხვედრაში. იმედია, ეს სურვილი რეალობად იქცევა".

ხოსე კასტრო კარმონა ("სევილიას" პრეზიდენტი): "ურთულესი მეტოქე გვერგო. გვინდა, რომ წარმატებულები ვიყოთ და იმედით ველოდებით ამ შეხვედრებს".

ეუსებიო დი ფრანჩესკო ("რომას" მთავარი მწვრთნელი): "ჩვენ გვყავს ძალიან მაღალი დონის მეტოქე და ზუსტად ვიცით, რომ ბრძოლა იქნება ურთულესი. ესფაქტია. დანარჩენი იმაზე იქნება დამოკიდებული, როგორ მოვემზადებით ამ მატჩებისთვის".

ანტონიო კონტე ("ჩელსის" მთავარი მწვრთნელი): "თუ გვინდა, რომ მოვიგოთ, 120 პროცენტით უნდა ვიყოთ მზად".

ერნესტო ვალვერდე ("ბარსელონას" მთავარი მწვრთნელი): "მეტოქედ გვერგო ინგლისის ჩემპიონი და ამით ყველაფერია ნათქვამი. უმძიმესი თამაშები გველის".

1276
მკითხველის კომენტარები / 0 /
მსგავსი ამბები
რუბრიკის სხვა სიახლეები
;