[ევრო 2020, წილისყრა] ჯგუფები დაკომპლექტდა. ევროსაგზურის მოპოვების შემთხვევაში, საქართველოს მეტოქეები გარკვეულია!..

რუმინეთის დედაქალაქ ბუქარესტის საგამოფენო ცენტრ "რომექსპოში" ევროპის 2020 წლის ჩემპიონატის ფინალური ეტაპის წილისყრა გაიმართა, რომელმაც ასეთი შედეგი მოგვცა:

A ჯგუფი (რომი, ბაქო) - იტალია, შვეიცარია, თურქეთი, უელსი
B ჯგუფი (სანკტ-პეტერბურგი, კოპენჰაგენი) - დანია, რუსეთი, ბელგია, ფინეთი
C ჯგუფი (ამსტერდამი, ბუქარესტი) - უკრაინა, ჰოლანდია, ავსტრია, D გზის პლეი ოფის გამარჯვებული (A გზის პლეი ოფის გამარჯვებული)
D ჯგუფი (ლონდონი, გლაზგო) - ინგლისი, ხორვატია, ჩეხეთი, C გზის პლეი ოფის გამარჯვებული
E ჯგუფი (ბილბაო, დუბლინი) - ესპანეთი, პოლონეთი, შვედეთი, B გზის პლეი ოფის გამარჯვებული
F ჯგუფი (ბუდაპეშტი, მიუნხენი) - გერმანია, საფრანგეთი, პორტუგალია, A გზის პლეი ოფის გამარჯვებული (D გზის პლეი ოფის გამარჯვებული)

თუ საქართველოს ნაკრები, როგორც ერთა ლიგის D დივიზიონის პოტენციური გამარჯვებული, ევროპის ჩემპიონატის ფინალური ეტაპის საგზურს მოიპოვებს, მოხვდება C ჯგუფში, სადაც ფრიად შთამბეჭდავი მეტოქეები გველოდებიან - ჰოლანდია, უკრაინა და ავსტრია.

მაგრამ თუ პლეი ოფის A გზას რუმინეთი ნაკრები მოიგებს, საქართველო გადაინაცვლებს "სიკვდილის" (F) ჯგუფში, სადაც გერმანია, საფრანგეთი და პორტუგალია არიან.

გზა A - ისლანდია, ბულგარეთი, უნგრეთი, რუმინეთი
გზა B - ბოსნია, სლოვაკეთი, ირლანდია, ჩრ. ირლანდია
გზა C - შოტლანდია, ნორვეგია, სერბეთი, ისრაელი
გზა D - საქართველო, ჩრ. მაკედონია, კოსოვო, ბელარუსი

წილისყრის შემდგომ რეაქციებზე მოგვიანებით...

3681
მკითხველის კომენტარები / 0 /
მსგავსი ამბები
რუბრიკის სხვა სიახლეები
;