[ევრო 2020] დღეს წილისყრაა! ყველაფერი კალათებზე, ჯგუფებსა და შესაძლო ვარიანტებზე

დღეს რუმინეთის დედაქალაქ ბუქარესტის საგამოფენო ცენტრო "რომექსპოში" ევროპის 2020 წლის ჩემპიონატის ფინალური ეტაპის წილისყრა გაიმართება. ამ ეტაპისთვის ცნობილია ტურნირის 20 მონაწილე. მოგეხსენებათ, კონტინენტის უმთავრესი სანაკრებო ფორუმი 12 ქვეყანაში გაიმართება.

დაკომპლექტებულია კალათები, რომლის მიხედვითაც გუნდებში ჯგუფებში გადანაწილდებიან:

I კალათა - იტალია (მასპინძელი), ინგლისი (მასპინძელი), ბელგია, ესპანეთი (მასპინძელი), უკრაინა, გერმანია (მასპინძელი)
II კალათა - საფრანგეთი, პოლონეთი, შვეიცარია, ხორვატია, რუსეთი (მასპინძელი), ჰოლანდია (მასპინძელი)
III კალათა - პორტუგალია, თურქეთი, დანია (მასპინძელი), ავსტრია, შვედეთი, ჩეხეთი
IV კალათა - ფინეთი, უელსი, პლეი ოფის გამარჯვებული, პლეი ოფის გამარჯვებული, პლეი ოფის გამარჯვებული

IV კალათში შესავსებია 4 ადგილი, რომელსაც ერთა ლიგა პლეი ოფებში გამარჯვებულები დაიკავებენ. შესაბამისად, აქ არის 4 გზა:

გზა A - ისლანდია, ბულგარეთი, უნგრეთი, რუმინეთი
გზა B - ბოსნია, სლოვაკეთი, ირლანდია, ჩრ. ირლანდია
გზა C - შოტლანდია, ნორვეგია, სერბეთი, ისრაელი
გზა D - საქართველო, ჩრ. მაკედონია, კოსოვო, ბელარუსი

იმის გამო, რომ ევროპის მომავალი ჩემპიონატი 12 ქვეყნის 12 ქალაქში უნდა გაიმართოს, წინასწარ არის ცნობილი მასპინძელი ქვეყნები რომელ ჯგუფებში განაწილდებიან. მაგალითად, B ჯგუფის მატჩებს უნდა უმასპინძლონ კოპენჰაგენმა და სანკტ-პეტერბურგმა.

დანიაც და რუსეთიც გავიდნენ ევროპის ჩემპიონატზე და შესაბამისად, წინასწარ დადგენილი წესის თანახმად, ეს გუნდები ერთად იქნებიან B ჯგუფში. აი, ამ მომენტისთვის ნაწილობრივ როგორ არის დაკომპლექტებული ევრო 2020-ის ჯგუფები.

A ჯგუფი (რომი, ბაქო) - იტალია
B ჯგუფი (სანკტ-პეტერბურგი, კოპენჰაგენი) - დანია, რუსეთი, ბელგია
C ჯგუფი (ამსტერდამი, ბუქარესტი) - უკრაინა, ჰოლანდია
D ჯგუფი (ლონდონი, გლაზგო) - ინგლისი
E ჯგუფი (ბილბაო, დუბლინი) - ესპანეთი
F ჯგუფი (ბუდაპეშტი, მიუნხენი) - გერმანია

ბელგია არ არის ტურნირის მასპინძელი, მაგრამ მოხვდა B ჯგუფში. ეს იმიტომ, რომ რუსეთი მეორე კალათაშია, მაგრამ მისი სავარუდო მეტოქეების ვინაობა პირველი კალათიდან ძალიან შეზღუდულია. იტალია, ინგლისი, გერმანია და ესპანეთი - ასევე მასპინძლები არიან და მათ თავიანთი ჯგუფები აქვთ.

უკრაინა და რუსეთი უსაფრთხოებიდან გამომდინარე არიან დაშორებული ერთმანეთისგან. ასე რომ, პირველი კალათის გუნდებიდან რუსეთისთვის ხელმისაწვდომი გახდა ბელგია. შესაბამისად, ეს გუნდი ჩაჯდება B ჯგუფში.

ანალოგიური სიტუაციაა უკრაინასთან დაკავშირებით. ჰოლანდია მეორე კალათიდან C ჯგუფში მოხვდა, რადგან აქ ერთ-ერთი მასპინძელი ამსტერდამია. პირველი კალათიდან სხვა მასპინძლები ჰოლანდიასთან ვერ მოხვდებოდნენ, ბელგია B ჯგუფში უნდა წასულიყო, ასე რომ, რჩებოდა მხოლოდ უკრაინა.

ჯგუფების შესაძლო ვარიანტები:

A ჯგუფი
იტალია
საფრანგეთი/პოლონეთი/შვეიცარია/ხორვატია
პორტუგალია/თურქეთი/ავსტრია/ჩეხეთი
ფინეთი/უელსი

B ჯგუფი
ბელგია
რუსეთი
დანია
ფინეთი/უელსი

C ჯგუფი
უკრაინა
ჰოლანდია
პორტუგალია/თურქეთი/ავსტრია/შვედეთი/ჩეხეთი
A ან D გზის პლეი ოფის გამარჯვებული

D ჯგუფი
ინგლისი
საფრანგეთი/პოლონეთი/შვეიცარია/ხორვატია
პორტუგალია/თურქეთი/ავსტრია/შვედეთი/ჩეხეთი
C გზის პლეის ოფის გამარჯვებული

E ჯგუფი
ესპანეთი
საფრანგეთი/პოლონეთი/შვეიცარია/ხორვატია
პორტუგალია/თურქეთი/ავსტრია/შვედეთი/ჩეხეთი
B გზის პლეი ოფის გამარჯვებული

F ჯგუფი
გერმანია
საფრანგეთი/პოლონეთი/შვეიცარია/ხორვატია
პორტუგალია/თურქეთი/ავსტრია/შვედეთი/ჩეხეთი
A ან D გზის პლეი ოფის გამარჯვებული

2463
მკითხველის კომენტარები / 0 /
მსგავსი ამბები
რუბრიკის სხვა სიახლეები
;