[ევრო 2020] მზადების მეორე დღე. საქართველოს ნაკრები ორი 'ამერიკელის' მოლოდინში

საქართველოს ნაკრები ირლანდიასა და გიბრალტართან საკვალიფიკაციო მატჩებისთვის 21 მოთამაშით ემზადება. 8 ოქტომბერს გამართულ საწვრთნელ პროცესში, რომელიც ერთ საათს გაგრძელდა, 7 ახალჩამოსული ფეხბურთელიც ჩაერთო. ამ ეტაპზე ნაკრებში "სან ხოსედან" ორ "ამერიკელს" ელოდებიან - გურამ კაშიასა და ვაკო ყაზაიშვილს, რომლებიც გუნდს 9 ოქტომბრიდან შეუერთდებიან.

წლის ბოლო საშინაო  მატჩისთვის მზადება კვლავ "ზესტაფონის" თბილისის ზღვის ბაზაზე მიმდინარეობს. ბათუმის "დინამოს" მცველმა გიორგი ნავალოვსკიმ, რომელიც ვლადიმირ ვაისმა ნაკრებში ტრავმირებული ლაშა დვალის ნაცვლად გამოიძახეს, ინდივიდუალურად ივარჯიშა.

ვაისს 9 ოქტომბერს დილის ვარჯიში აქვს დაგეგმილი. მოგვიანებით, ეროვნული ნაკრების წევრები თბილისის 157-ე საჯარო სკოლას ესტუმრებიან  და მოზარდ გულშემატკივართან ერთად საქართველო-ირლანდიის მატჩისადმი მიძღვნილ აქტივობაში ჩაერთვებიან.

906
მკითხველის კომენტარები / 0 /
მსგავსი ამბები
რუბრიკის სხვა სიახლეები
;