ევრო 2020. საქართველო შვეიცარიასა და ირლანდიასთან. რა, სად და როდის?

რამდენიმე დღეში საქართველოს ეროვნული ნაკრები ევროპის 2020 წლის ჩემპიონატის საკვალიფიკაციო ეტაპის სტარტისთვის მზადებას დაიწყებს. ფეხბურთის ფედერაციის ოფიციალური ვებგვერდის ცნობით, წლის სადებიუტო მატჩებისთვის შეკრება 18 მარტიდან დაიწყება. ეროვნული ნაკრები სასტუმრო "ჰუალინგში" იცხოვრებს.

წლის პირველ ოფიციალურ თამაშს ჩვენი გუნდი 23 მარტს, "დინამო არენაზე", შვეიცარიის წინააღმდეგ გამართავს, 26 მარტს კი საკვალიფიკაციო ეტაპის მეორე ტურის შეხვედრაა, რომელსაც საქართველოს ნაკრები დუბლინში, ირლანდიასთან ჩაატარებს.

საქართველოსა და შვეიცარიას შორის მატჩი "დინამო არენაზე" 18 საათზე დაიწყება. ცნობილია დუბლინური მატჩის დაწყების დროც - 23:45.

ორივე მატჩის პირდაპირ რეპორტაჟს საზოგადოებრივი მაუწყებლის "პირველი არხი" შემოგვთავაზებს.

1289
მკითხველის კომენტარები / 0 /
მსგავსი ამბები
რუბრიკის სხვა სიახლეები
;