ეთერ ლიპარტელიანი ლენტეხის მუნიციპალიტეტის ხელმძღვანელობას - ამას, ვერ ხედავენ, ამათ მთავარი ფული ჰგონიათ!

ძიუდოში მსოფლიოს ჩემპიონმა ეთერ ლიპარტელიანმა სოციალურ ქსელში კრიტიკული პოსტი გამოაქვეყნა. წერილის ადრესატი ლენტეხის მუნიციპალიტეტის ხელმძღვანელობაა:

„დიდი მადლობა მინდა გადავუხადო ლენტეხის რაიონის გამგებელს... არ იყო ასეთი ყურადღება საჭირო !! სამი თვე ვიყავი ლენტეხში და არავინ მოვიდა, არავინ მომილოცა მსოფლიო ჩემპიონობა. ალბათ ბევრი გყავთ მსოფლიო ჩემპიონი, რომ ვერ ახერხებთ ყურადღების მიქცევას. დავუშვათ, 1 თვე ძალიან დატვირთული პერიოდი იყო პანდემიის გამო, მაგრამ, უკვე, როდესაც ვნახე, რომ მოინახულეთ რამდენიმე ადამიანი, თან ვითომ არც იცოდით, რომ მე სვანეთში ვიყავი!! დავუშვათ არ იცოდით, ხომ გითხრეს, რომ აქ ვიყავი. იმის მერე ერთი თვე გავიდა, მაგრამ მაინც არ შეიწუხეთ თავი!! "ეთოს 1000ლარი მივეცი წინა წელსო". სავარაუდოდ, ალბათ 2018 წელი იგულისხმეთ, მაგრამ მე თუ მკითხავთ არ არის საამაყო და სატრაბახო ის, რომ 1000 ლარი მიეცით სპორტსმენს 2018 წელს და არაფრად ჩააგდეთ, პირადად არც კი მოგილოციათ ევროპა და მსოფლიო! ასე გვაფასებენ ლენტეხში სპორტსმენებს! "პატივს გვცემენ"! იმდენი მსოფლიო ჩემპიონი ვყავართ ლენტეხს, ვერ მოიცალეს ამდენის მილოცვისთვის.

შემიძლია სხვა "რაიონის '' სახელით ვიჭიდავო მეტი დაფასება მექნება, მაგრამ მე არ მინდა!! მინდა, რომ პატარა ლენტეხი გავაცნო მთელ საქართველოს მაგრამ ვერ ხედავენ ამას ამათ მთავარი ფული ჰგონიაათ! 2018 წელს მოცემული 1000 ლარი“!

1601
მკითხველის კომენტარები / 1 /
ზაზა
0
რაიონს ესეთი სპორცმენი ყავდეს და ყურადღებას არ აქცევდნენ არის სირცხვილი!!! ეთერ შენით მთელი საქართველო ამაყობს!!!!
მსგავსი ამბები
რუბრიკის სხვა სიახლეები
;