ემერისთვის შემცვლელს ეძებენ

გაზეთ „დეილი მეილის“ ინფორმაციით, „არსენალის“ ხელმძღვანელობა აქტიურ მოქმედებებზე გადავიდა პრემიერლიგის ბოლო ტურში „საუთჰემპტონთან“ ფრეს (2:2) შემდეგ. ლონდონური კლუბის ბოსებს გუნდის მთავარ მწვრთნელთან უნაი ემერისთან დაკავშირებით საბოლოო გადაწყვეტილების მიღება ზაფხულში უნდოდათ, მაგრამ გუნდის კატასტროფული თამაში აიძულებთ უკვე ღიად გამოაცხადონ ემერის შემცვლელის ძებნის საკითხი.

„არსენალის“ სიაში შეიყვანეს „იუვენტუსის“ ყოფილი მთავარი მწვრთნელი მასიმილიანო ალეგრი, „არსენალის“ ყოფილი კაპიტანი მიკელ არტეტა, რომელიც დღეს „მანჩესტერ სიტიში“ ხოსეპ გვარდიოლას თანაშემწეა და „ტოტენჰემის“ ექსდამრიგებელი მაურისიო პოჩეტინო.

თუ გუნდი ვერ მოელაპარაკება აქ დასახელებულ რომელიმე მწვრთნელს, ხელმძღვანელობა, დიდი ალბათობით, დროებით შესთავაზებს პოსტს ემერის თანაშემწეებს - ფრედი ლიუნგბერგს ან სტივ ბოულდს.

პრემიერლიგის 13 ტურის შემდეგ, „არსენალი“ მერვე ადგილზეა გათამაშების ცხრილში. პირველ ადგილთან ჩამორჩენა 19 ქულას შეადგენს.

407
მკითხველის კომენტარები / 0 /
მსგავსი ამბები
რუბრიკის სხვა სიახლეები
;