ემერი მთავრდება, არსენალი ლუის ენრიკეს დაუკავშირდა...

"ლესტერთან" მორიგი მარცხის (0:2) შემდეგ "არსენალში" უნაი ემერის მწვრთნელობის დასასრული კიდევ უფრო მოახლოვდა. "მეთოფეთა" თამაშს ყველა აკრიტიკებს, ვისაც არ ეზარება. ვერც ვერავის გაამტყუნებ - პოტენციურად საკმაოდ ძლიერი გუნდი ძალიან უკბილოდ თამაშობს, რაც, ცხადია, პირდაპირ აისახება შედეგებზე.

ემერი აშკარად ვეღარ მართავს სიტუაციას, გუნდს არ აქვს ხასიათი... მოკლედ, ყველაფერი დასასრულისკენ მიდის. რა თქმა უნდა, ამ პერიოდში მწვრთნელის შეცვლა არ არის ადვილი საქმე.

ბევრი სპეციალისტი უკვე "გახურებულ" სეზონში მუშაობის დაწყებას ერიდება, მაგრამ არიან ეგრეთ წოდებული "მეხანძრეებიც", რომლებიც ნებისმიერ მომენტში მზად არიან, მუშაობას შეუდგნენ...

ვერ გეტყვით, რამდენად შეიძლება ასეთ "მეხანძრედ" განვიხილოთ ლუის ენრიკე. "ბარსელონასა" და ესპანეთის ნაკრების ყოფილი მწვრთნელი ახლა ფეხბურთიდან შვებულებაშია.

ცოტა ხნის წინ მის ოჯახში დიდი ტრაგედია დატრიალდა - ლეიკემიით გარდაიცვალა ლუის ენრიკეს 9 წლის გოგონა. როგორც ჩანს, ლუის ენრიკემ მძიმე დღეებს გაუძლო და მზად არის, დაბრუნდეს ფეხბურთში.

ინგლისური სააგენტოების ინფორმაციით, მას უკვე დაეკონტაქტნენ "არსენალიდან", თუმცა საბოლოო გადაწყვეტილება ჯერ არ არის მიღებული. შეგახსენებთ, რომ "არსენალის" მწვრთნელობის კანდიდატად ჟოზე მოურინიოც სახელდება.

597
მკითხველის კომენტარები / 0 /
მსგავსი ამბები
რუბრიკის სხვა სიახლეები
;