"ერდოღანმა ყველაფერი წამართვა!"... თურქული ფეხბურთის ლეგენდა ამერიკაში ტაქსისტად მუშაობს...

თურქეთის ნაკრების ყოფილი ფორვარდი და ამ ქვეყნის ფეხბურთის ლეგენდა ჰაქან შუქური გერმანულ "ველტთან" ინტერვიუში ჰყვება, თუ როგორ წარიმართა მისი ცხოვრება ფეხბურთიდან წასვლის შემდეგ.

2016 წლიდან ის შევიწროებას განიცდიდა სოცქსელებში თურქეთს პრეზიდენტ რეჯეპ ტაიიპ ერდოღანის საჯარო კრიტიკის გამო. მას დაბრალდა კავშირი ამერიკაში მცხოვრებ თურქ ისლამისტ მოღვაწე ფეთჰულა გიულენთან

შუქური იძულებული გახდა, ქვეყნიდან გაქცეულიყო. ახლა ის სან-ფრანსისკოში ცხოვრობს. დაიწყო ყავის ბიზნესი, თუმცა მას მერე, რაც მის დაწესებულებაში "უცნაურმა ხალხმა" მოუხშირა სიარულს, შუქურმა პოლიციას მიმართა და ახლა ფედერალური საგამოძიებო ბიუროს (FBI) დაცვის ქვეშაა.

ის ახლა ვაშინგტონში ტაქსისტად მუშაობს და ყიდის წიგნებს, რათა თავი ირჩინოს: "ახლა არსად არაფერი გამაჩნია, რადგან ერდოღანმა ყველაფერი წამართვა - თავისუფლებაც, თვითგამოხატვის უფლებაც და სამსახურიც", - ამბობს ჰაქან შუქური, რომელიც თავის დროზე "საქარიასფორის", "ბურსასფორის", "გალათასარაის", "ტორინოს", "ინტერის", "პარმასა" და "ბლექბერნის" ღირსებას იცავდა.

შეგახსენებთ, რომ შუქური თურქეთის ნაკრების ისტორიაში საუკეთესო ბომბარდირია 51 გოლით. 2000 წელს "გალათასარაისთან" ერთად მოიგო უეფას თასი, ხოლო 2002 წლის მუნდიალზე თურქეთის ნაკრებთან ერთად ბრინჯაოს მედლის მფლობელი გახდა. 

8068
მკითხველის კომენტარები / 0 /
მსგავსი ამბები
რუბრიკის სხვა სიახლეები
;