ერევანში "არარატი-73-ის" კომპოზიციიდან ქანდაკებები მოიპარეს

ერევანში უცნობმა პირებმა ქანდაკებები მოიპარეს „არარატ -73"-ის სკულპტურული კომპოზიციიდან, რომელიც „რაზდანის" სტადიონის გვერდით არის განთავსებული.

კომპოზიცია 2016 წელს „არარატის" საბჭოთა პერიოდის გამარჯვებებს მიუძღვნეს - 1973 წელს გუნდი ერთადერთხელ გახდა სსრკ-ს ჩემპიონი და სსრკ-ს თასი მოიგო. ის სომხეთის ეროვნული ოლიმპიური კომიტეტის პრეზიდენტის, გაგიკ ცარუკიანის პირადი ხარჯებით დამზადდა.

ცნობილი გახდა, რომ კომპოზიციიდან მოიპარეს გუნდის მწვრთნელის, ნიკიტა (მკრტიჩ) სიმონიანის და კლუბის ყოფილი ფეხბურთელების, რობერტ ცაგკიანის, ონიკ აბრამიანისა და ჰარუთუნ კეგეიანის ქანდაკებები.

ნიკიტა სიმონიანი 1949 წლიდან 1959 წლამდე მოსკოვის „სპარტაკში" თამაშობდა და კლუბის ყველა დროის საუკეთესო ბომბარდირია. მოსკოვურ კლუბთან ერთად ოთხჯერ მოიგო სსრკ ჩემპიონატი. სიმონიანმა შემდგომში სამწვრთნელო კარიერა დაიწყო, „არარატს" კი 1973-1974 წლებში ხელმძღვანელობდა. საინტერესოა, რომ სიმონიანი სოხუმშია გაზრდილი და კარიერა სოხუმის „დინამოში" დაიწყო.

1535
მკითხველის კომენტარები / 0 /
მსგავსი ამბები
რუბრიკის სხვა სიახლეები
;