ერთა ლიგა. დიდი გარჩევის მოლოდინში: ჰოლანდია ჩემპიონის წინააღმდეგ და მატჩი, სადაც დანდობა არ იქნბება

ერთა ლიგას ბევრი კრიტიკოსი კი ჰყავს, მაგრამ რაც უნდა ილაპარაკონ იურგენ კლოპმა და სხვებმა, ფაქტი ისაა, რომ ახალი ტურნირი გაცილებით უკეთესია, ვიდრე არაფრისმთქმელი ამხანაგური მატჩები.

პარასკევს, შაბათსა და კვირას რამდენიმე ტოპმატჩის მომსწრენი გავხდებით. რა თქმა უნდა, გულშემატკივარს დააინტერესებს წინასამატჩო ამბები...

საფრანგეთის ნაკრების უახლოესი მდევარი ჯგუფში ჰოლანდიის უპირველესი გუნდია. ფრანგებს თითქმის განაღდებული აქვთ ტოპ ადგილი, მაგრამ თქმა რად უნდა იმას, რომ ორი გრანდის შეხვედრას ინტერესი არ მოაკლდება.

მით უმეტეს, რონალდ კუმანის ხელმძღვანელობით ჰოლანდიის ნაკრები ახალ ცხოვრებას იწყებს. ამ გუნდს მომავალი რომ აქვს, ეს გერმანიასთან ერთი თვის წინანდელმა გამარჯვებამაც (3:0) დაგვიდასტურა. ახლაც ორი შემტევი გუნდის თამაშის მოლოდინში ვართ.

საფრანგეთის ნაკრები თითქმის ოპტიმალური შემადგენლობით ითამაშებს. გამონაკლისი იქნება პოლ პოგბა, რომელიც ტრავმირებულია. ამავე მიზეზით ამოვარდნენ შემადგენლობიდან ანტონი მარსიალი, ალექსანდრ ლაკაზეტი და ბენჟამინ მენდიც. შესაბამისად, დიდიე დეშამმა შემადგენლობაში შეიყვანა 25 წლის ალასან პლეა ("გლადბახი") და 23 წლის ფერლან მენდი ("ლიონი").

სათამაშო კლასით საფრანგეთი მოწინააღმდეგეზე მაღლა დგას, მაგრამ ჰოლანდიის უპირველეს გუნდს ნამდვილად შეუძლია მოწინააღმდეგისთვის სიურპრიზების შეთავაზება.

ჰოლანდია
მეკარეები - მარკო ბიზო (ალკმაარი), იესპერ სილესენი (ბარსელონა, ესპანეთი), იარონ ზუტი (პსვ ეინდჰოვენი);
მცველები - პატრიკ ვან ანჰოლტი (კრისტალ პალასი, ინგლისი), ნათან აკე (ბორნმუთი, ინგლისი), დელეი ბლინდი (აიაქსი), ვირჯილ ვან დაიკი (ლივერპული, ინგლისი), დენზელ დუმფრისი (პსვ ეინდჰოვენი), მატიას დე ლიგტი (აიაქსი), კენი ტეტე (ლიონი, საფრანგეთი), სტეფან დე ვრეი (ინტერი, იტალია);
ნახევარმცველები - დონი ვან დე ბეეკი (აიაქსი), ფრენკი დე იონგი (აიაქსი), მარტინ დე როონი (ატალანტა, იტალია), პაბლო როსარიო (პსვ ეინდჰოვენი), კევინ სტროოტმანი (მარსელი, საფრანგეთი), ტონი ვილენა (ფეიენოორდი), ჟორჟინიო ვეინალდუმი (ლივერპული, ინგლისი);
თავდამსხმელები - რაიან ბაბელი (ბეშიქთაში, თურქეთი), სტივენ ბერგვიინი (პსვ ეინდჰოვენი), მემფის დეპაი (ლიონი, საფრანგეთი), ჟავაირო დილროსუნი (ჰერტა, გერმანია), ლუკ დე იონგი (პსვ ეინდჰოვენი), ქუინსი პრომესი (სევილია, ესპანეთი).

საფრანგეთი
მეკარეები - უგო ლორისი (ტოტენჰემი, ინგლისი), სტივ მანდანდა (მარსელი), ალფონს არეოლა (პსჟ);
მცველები - რაფაელ ვარანი (რეალი, ესპანეთი), ადილ რამი (მარსელი), ჯიბრილ სიდიბე (მონაკო), ბენჟამენ პავარი (შტუტგარტი, გერმანია), პრესნელ კიმპემბე (პსჟ), მამადუ სახო (კრისტალ პალასი, ინგლისი), ფერლან მენდი (ლიონი);
ნახევარმცველები - ბლეზ მატუიდი (იუვენტუსი, იტალია), ნ"გოლო კანტე (ჩელსი, ინგლისი), სტივენ ნ"ზონზი (სევილია, ესპანეთი), ტანგი ნდომბელე (ლიონი),უსმან დემბელე (ბარსელონა, ესპანეთი);
თავდამსხმელები - ოლივიე ჟირუ (ჩელსი, ინგლისი), ანტუან გრიზმანი (ატლეტიკო, ესპანეთი), კილიან მბაპე (პსჟ), ნაბილ ფეკირი (ლიონი), ფლორიან ტოვენი (მარსელი), ალასან პლეა (გლადბახი, გერმანია).

ისევ რონალდოს
გარეშე

შაბათს იტალიის ნაკრები პორტუგალიას ეთამაშება. ძალიან საინტერესო თამაში უნდა გამოვიდეს. ეს იმის მიუხედავად, რომ უეფასთან რიგი მიზეზების გამო დაუბრებული კრიშტიანო რონალდო ერთა ლიგის მატჩებში პორტუგალიის ნაკრების მაისურით თამაშზე უარს აცხადებს. ოფიციალურად ეს არ ხმაურდება, ევროპის ჩემპიონთა მწვრთნელი ფერნანდო სანტუში აცხადებს, რომ რონალდოს არყოფნა მისი საკლუბო ინტერესებითაა განპირობებული, მაგრამ მედია სხვანაირად ფიქრობს და აქვს კიდეც საამისოდ საფუძველი...

პორტუგალია პირველ ადგილზეა ჯგუფში და მიუხედავად იმისა, რომ იტალიელთა სუნთქვა ესმის ზურგს უკან, ალბათ, მაინც არ დათმობს ლიდერის პოზიციას. "სკუადრა აძურა" კი შენების პროცესშია და რობერტო მანჩინის ამ დროისთვის შედეგზე ნაკლებად არ ადარდებს თამაშის ხარისხი. ისე კი, პოლონეთთან წინა მატჩმა აჩვენა, რომ მანჩინის იტალია კარგი გუნდი უნდა დადგეს...

რონალდო არ არის, მაგრამ არიან ევროპის სხვა მოქმედი ჩემპიონები. არის ანდრე სილვა, ვინც "მილანში" ეგრეც ვერ იპოვა საკუთარი თავი, მაგრამ აგერ, "სევილიაში" ლამის გოლი გოლზე გააქვს.

იტალიის ნაკრებში კი დიდი სიახლეებია. მანჩინის გუნდში ვერ ვხედავთ შემტევებს - მარიო ბალოტელისა და ანდრეა ბელოტის. ბალოტელი კიდევ გასაგებია - "ნიცას" ფორვარდს მიმდინარე სეზონში ჯერ გოლი არ აქვს გატანილი და ძირითადად ყვითელი ბარათების მოგროვებითაა დაკავებული, მაგრამ რაც შეეხება ბელოტის, სერია A-ში ამ დროისთვის მას 4 გოლი აქვს გატანილი.

ამას გარდა, იტალიას დააკლდება ტრავმირებული ფედერიკო ბერნარდესკიც. სამაგიეროდ, მანჩინიმ პირველად მიიწვია გუნდში სერია B-ს ბინადარ "ბრეშას" ნახევარმცველი, წოდებული 18 წლის სანდრო ტონალი, ასევე, "სასუოლოდან" სტეფანო სენსი (23 წლის) და "ჰოფენჰაიმის" შემტევი ვინჩენცო გრიფო (25 წლის).
განსაკუთრებით უნდა გამოვარჩიოთ ტონელი, ვისაც იტალიაში "ახალ პირლოს" უწოდებენ. მისგან გულშემატკივარი ძალიან ბევრს ელის.

იტალია
მეკარეები - ალესიო კრანიო (კალიარი), ჯანლუიჯი დონარუმა (მილანი), სალვატორე სირიგუ (ტორინო);
მცველები - კრისტიან ბირაგი (ფიორენტინა), ლეონარდო ბონუჩი, ჯორჯო კიელინი, მატია დე შილიო, დანიელე რუგანი (ყველა - იუვენტუსი), ემერსონ პალმიერი (ჩელსი), ალესანდრო ფლორენცი (რომა), ალესიო რომანიოლი (მილანი);
ნახევარმცველები - ნიკოლო ბარელა (კალიარი), რობერტო გალიარდინი (ინტერი), ჟორჟინიო (ჩელსი, ინგლისი), ლორენცო პელეგრინი (რომა), სტეფანო სენსი (სასუოლო), სანდრო ტონალი (ბრეშა), მარკო ვერატი (პსჟ, საფრანგეთი);
თავდამსხმელები - დომენიკო ბერარდი (სასუოლო), ფედერიკო კიეზა (ფიორენტინა), ვინჩენცო გრიფო (ჰოფენჰაიმი, გერმანია), ჩირო იმობილე (ლაციო), ლორენცო ინსინიე (ნაპოლი), კევინ ლასანია (უდინეზე), ლეონარდო პავოლეტი (კალიარი), მატეო პოლიტანო (ინტერი).

პორტუგალია
მეკარეები - რუი პატრისიო (ვულვზი, ინგლისი), ბეტო (გიოზთეფე, თურქეთი), კლაუდიო რამოსი (ტონდელა);
მცველები - პეპე (ბეშიქთაში, თურქეთი), ჟოზე ფონტე (ლილი, საფრანგეთი), სედრიკი (საუთჰემპტონი, ინგლისი), რაფაელ გერეირო (დორტმუნდი, გერმანია), ლუის ნეტო (ზენიტი, რუსეთი), ჟოაო კანსელო (იუვენტუსი, იტალია), მარიო რუი (ნაპოლი, იტალია), რუბენ დიასი (ბენფიკა);
ნახევარმცველები - უილიამ კარვალიო (ბეტისი, ესპანეთი), ჟოაო მარიო (ინტერი, იტალია), ანდრე გომესი (ევერტონი, ინგლისი), დანილო პერეირა (პორტუ, პორტუგალია), რენატო სანჩესი (ბაიერნი, გერმანია), პიცი (ბენფიკა), ბრუნო ფერნანდეში (სპორტინგი), რუბენ ნევეში (ვულვზი, ინგლისი);
თავდამსხმელები - ედერი (ლოკომოტივი, რუსეთი), ბერნარდო სილვა (მანჩესტერ სიტი, ინგლისი), ანდრე სილვა (სევილია, ესპანეთი), გონსალო გედეში (ვალენსია, ესპანეთი), რაფა სილვა (ბენფიკა), ბრუმა (ლაიპციგი).

აქ დანდობა არ იქნება:
რუსული წყენა და არამარტო...

ინგლისისა და ხორვატიის ნაკრებების შეხვედრა ძველი მტრების მატჩია. გვახსოვს, წლების წინ, როგორ დატოვა უმოტივაციო ხორვატიამ ინგლისი ევროპის ჩემპიონატს მიღმა. არც ის გვავიწყდება, რა მოხდა რუსულ მუნდიალზე. ფინალში თამაშის სიამოვნება ინგლისს სწორედ ხორვატიამ წაართვა...
მოკლედ, ორივე გუნდისთვის მნიშვნელოვანი მატჩია, რომელშიც დანდობა არ იქნება. ინგლისელები რევანშზე იფიქრებენ. ინგლისს დაკლდა დენი უელბეკი, ვინც ერთი კვირის წინ მძიმე ტრავმა მიიღო ევროპალიგის მატჩში.

ინგლისი
მეკარეები - ჯორდან პიკფორდი (ევერტონი), ჯეკ ბატლენდი (სტოკი), მარკუს ბეტინელი (ფულჰემი), ალექს მაკარტი (საუთჰემპტონი);
მცველები - ლუის დანკი (ბრაიტონი), მაიკლ კინი (ევერტონი), ტრენტ ალექსანდერ-არნოლდი (ლივერპული), კირან ტრიპიერი (ტოტენჰემი), ჯონ სტოუნზი, კაილ უოკერი (ორივე - მანჩესტერ სიტი), ბენ ჩილველი (ლესტერი), ლუკ შოუ (მანჩესტერ იუნაიტედი), ჯო გომესი (ლივერპული);
ნახევარმცველები - ჯორდან ჰენდერსონი (ლივერპული), ერიკ დაიერი, დელე ალი (ორივე - ტოტენჰემი), მარკუს რეშფორდი, ჯესე ლინგარდი (ორივე - მანჩესტერ იუნაიტედი), ფაბიან დელფი (მანჩესტერ სიტი), რუბენ ლოფტუს-ჩიკი (ჩელსი), ჰარი უინკსი (ტოტენჰემი), როს ბარკლი (ჩელსი);
თავდამსხმელები - რაჰიმ სტერლინგი (მანჩესტერ სიტი), ჰარი კეინი (ტოტენჰემი), უეინ რუნი (Dჩ იუნაიტედი), ჯეიდონ სანჩო (დორტმუნდი), კალუმ უილსონი (ბორნმუთი).

ხორვატია
მეკარეები - ლოვრე კალინიჩი (გენტი, ბელგია), დომინიკ ლივაკოვიჩი (დინამო ზ), კარლო ლეტიცა (ბრიუგე, ბელგია);
მცველები - დომაგოი ვიდა (ბეშიქთაში, თურქეთი), დეან ლოვრენი (ლივერპული, ინგლისი), შიმე ვრსალკო (ინტერი, იტალია), იოსიპ პივარიჩი (დინამო კ, უკრაინა), ტიმ იედვაი (ლევერკუზენი, გერმანია), მატეი მიტროვიჩი (ბრიუგე, ბელგია), ანტონიო მილიჩი (ანდერლეხტი, ბელგია), დუიე კალეტა-სარი (მარსელი, საფრანგეთი);
ნახევარმცველები - ლუკა მოდრიჩი (რეალი, ესპანეთი), ივან რაკიტიჩი (ბარსელონა, ესპანეთი), მატეო კოვაჩიჩი (ჩელსი, ინგლისი), მილან ბადელი (ლაციო, იტალია), მარსელო ბროზოვიჩი (ინტერი, იტალია), მარკო როგი (ნაპოლი, იტალია), მარიო პაშალიჩი (ატალანტა, იტალია), ფილიპ ბრადარიჩი (კალიარი, იტალია), ნიკოლა ვლაშიჩი (ცსკა, რუსეთი);
თავდამსხმელები - ივან პერიშიჩი (ინტერი, იტალია), ანდრეი კრამარიჩი (ჰოფენჰაიმი, გერმანია), ანტე რებიჩი (აინტრახტი, გერმანია), მარკო პიაცა (ფიორენტინა, იტალია), იოსიპ ბრეკალო (ვოლფსბურგი, გერმანია).

A ლიგა

I ჯგუფი

პარასკევი, 16 ნოემბერი
ჰოლანდია-საფრანგეთი 23:45

ორშაბათი, 19 ნოემბერი
გერმანია-ჰოლანდია 23:45

თ მ ფ წ ბ ქ
1. საფრანგეთი 3 2 1 0 4:2 7
2. ჰოლანდია 2 1 0 1 4:2 3
3. გერმანია 3 0 1 2 1:5 1

II ჯგუფი

ხუთშაბათი, 15 ნოემბერი
ბელგია-ისლანდია 2:0
გოლები: 1:0 ბაჩუაი (65), 2:0 ბაჩუაი (81)

კვირა, 18 ნოემბერი
შვეიცარია-ბელგია 23:45

თ მ ფ წ ბ ქ
1. ბელგია 3 3 0 0 7:1 9
2. შვეიცარია 3 2 0 1 9:3 6
3. ისლანდია 4 0 0 4 1:13 0

III ჯგუფი

შაბათი, 17 ნოემბერი
იტალია-პორტუგალია 23:45

სამშაბათი, 20 ნოემბერი
პორტუგალია-პოლონეთი 23:45

თ მ ფ წ ბ ქ
1. პორტუგალია 2 2 0 0 4:2 6
2. იტალია 3 1 1 1 2:2 4
3. პოლონეთი 3 0 1 2 3:5 1

IV ჯგუფი

ხუთშაბათი, 15 ნოემბერი
ხორვატია-ესპანეთი 3:2
გოლები: 1:0 კრამარიჩი (54), 1:1 სებალიოსი (56), 2:1 იედვაი (69), 2:2 რამოსი (78-პენ), 3:2 იედევაი (90+3)

კვირა, 18 ნოემბერი
ინგლისი-ხორვატია 18:00

თ მ ფ წ ბ ქ
1. ესპანეთი 4 2 0 2 12:7 6
2. ინგლისი 3 1 1 1 4:4 4
3. ხორვატია 3 1 1 1 3:8 4

ყოველდღიური სპორტული გაზეთი "ლელო"
1312
მკითხველის კომენტარები / 0 /
მსგავსი ამბები
რუბრიკის სხვა სიახლეები
;