ერთა ლიგა. იტალია პორტუგალიაში დამარცხდა

დღის მთავარ შეხვედრაში კი იტალიის ნაკრებმა საგარეო მარცხი იწვნია პორტუგალიასთან. აშკარაა, რომ ლუზიტანელთა მწვრთნელ ფერნანდო სანტუშს გაცილებით გამოცდილი და აწყობილი გუნდი ჰყავს, ვიდრე რობერტო მანჩინის, ვინც ეს-ესაა შეუდგა ახალი "სკუადრა აძურას" მშენებლობას.

პორტუგალია მთელი შეხვედრის განმავლობაში უკეთესი იყო მეტოქეზე, თუმცა რამდენიმე ნახევარმომენტი იტალიასაც ჰქონდა. ერთადერთი გოლი კი  48-ე წუთზე ანდრე სილვამ შეაგდო, მრავალსვლიან კომბინაციას დაუსვა წერტილი. ანგარიში უფრო სოლიდურიც იქნებოდა, ერთ ეპიზოდში ბურთი იტალიელთა კარის ხარიხას რომ არ მოხვედროდა.

პორტუგალია-იტალია  1:0

გოლი: 1:0 ანდრე სილვა (48)

პორტუგალია (4-3-3): რუი პატრისიუ - კანსელო, პეპე, დიასი, მარიო რუი - პიცი (74. რენატო სანჩესი), ნევესი, კარვალიო - ბრუმა (77. მარტინში), ბერნარდო სილვა (85. სერჟიო ოლივეირა), ანდრე სილვა.

იტალია (4-3-3): დონარუმა - ლაძარი, კალდარა, რომანიოლი, კრიშიტო (74. ემერსონი) - კრისტანტე (79. ბელოტი), ჟორჟინიო, ბონავენტურა - ძაძა, კიეზა, იმობილე (59. ბერარდი).

1322
მკითხველის კომენტარები / 0 /
მსგავსი ამბები
რუბრიკის სხვა სიახლეები
;