ერთა ლიგა. პანიკა უემბლიზე, ზეიმი სტად დე ფრანსზე [VIDEO]

ერთა ლიგის სასტარტო მატჩები საკმაოდ საინტერესო გამოდგა.

პარასკევს მეტი ყურადღება იტალიისა და პოლონეთის ნაკრებთა შეხლამ მიიპყრო, რომელსაც ბოლონიის "რენატო დ"ალარამ" უმასპინძლა. ამ მატჩში შედგა იტალიის ნაკრების მთავარი მწვრთნელის პოსტზე რობერტო მანჩინის დებიუტი ოფიციალურ მატჩში.

უნდა აღინიშნოს, რომ იტალიელებმა ამ შეხვედრაში ვერ აჩვენეს ისეთი ფეხბურთი, რასაც მათგან ველოდით და პოლონელებს ცოტა რომ გამართლებოდათ, მოიგებდნენ კიდეც.

ანგარიში რობერტ ლევანდოვსკის შესანიშნავი გადაცემის შემდეგ "ნაპოლიში" მოთამაშე პიოტრ ზელინსკიმ გახსნა. იტალია ოდნავ მოფერიანდა მეორე ტაიმში. შეცვლაზე შესულმა ფედერიკო კიეზამ, ვინც ახლო წარსულში ცნობილი ფეხბურთელის, ენრიკო კიეზას ვაჟია, პენალტი აჰკიდა გამოცდილ კუბა ბლაშჩიკოვსკის და ბრაზილიელ-იტალიელმა ჟორჟინიომ მშვიდად აღასრულა უმაღლესი საფეხბურთო სასჯელი.

სერბეთის ნაკრებმა მინიმალური ანგარიშით მოუგო ლიეტუვას, მაგრამ თავისუფლად შეიძლებოდა, სხვაობა მეტიც ყოფილიყო. დუშან ტადიჩმა 11 მეტრიდან ვერ შეაგდო. ამას გარდა, ბალკანელებმა რამდენჯერმე "მოიკითხეს" ბალტიისპირელთა კარის ძელი.

რუსეთის ნაკრებმა არ დააგდო მუნდიალზე აღებული ტემპი და გასვლაზე ცოტა სენსაციურად მოუგო თურქეთს. კვლავ შეაგდო არტიომ ძიუბამ. ზოგადად, რუსები უფრო დამაჯერებლად გამოიყურებოდნენ.

ესპანეთის ნაკრებმა ჩაგდებული მუნდიალის შემდეგ პატარა გმირობა ჩაიდინა და "უემბლიზე" 2:1 მოუგო ინგლისს. წარმატებული გამოდგა "ფურია როხას" მთავარი მწვრთნელის პოსტზე ლუის ენრიკეს დებიუტი.

ვინც ეს მატჩი იხილა, გულდაწყვეტილი ნამდვილად არ დარჩებოდა. ჰარი კეინს თამაშის დაწყების წინ "ოქროს ბურთი" გადაეცა. ანგარიში კი მანჩესტერული კომბინაციით გაიხსნა და ამას ტრიბუნიდან ადევნებდა თვალს ჟოზე მოურინიო - შესანიშნავი კონტრშეტევისას ლუკ შოუმ მარკუს რაშფორდს იდეალური პასი მისცა და ამ უკანასკნელმა ახლო მანძილიდან გაიტანა. ამის შემდეგ ესპანეთი მეტოქეზე უკეთესი იყო.

ჯერ საულ ნიგესმა გაათანაბრა როდრიგოს პასით, მერე კი თავად როდრიგომ შეაგდო. იმ ეპიზოდში მას ასისტენტობა ტიაგო ალკანტარამ გაუწია. აღსანიშნავია, რომ ამ შეხვედრაში მძიმედ დაშავდა ლუკ შოუ. მან თავის ტრავმა მიიღო, გონება დაკარგა და "უემბლი" პანიკაში ჩააგდო. საბედნიეროდ, "მანჩესტერის" მცველი გადარჩა. ის მინდვრიდან საკაცით გაიყვანეს და გასახდელში გონს მოვიდა. ამჟამად ის უკეთაა და მალე დაბრუნებას იმედოვნებს...

შვეიცარიის ნაკრებმა ქვა ქვაზე არ დატოვა ისლანდიისგან. ბოსნიამ კი გასვლაზე აჯობა ჩრდილოეთ ირლანდიას, ოღონდ, ეს მირალემ პიანიჩის ტრავმად დაუჯდა.

კვირას საფრანგეთისა და ჰოლანდიის ნაკრებებს კარგი თამაში გამოუვიდათ. მოქმედი მსოფლიოს ჩემპიონები პირველად წარსდგნენ მშობლიური პუბლიკის წინაშე. უნდა ითქვას, რომ "სტად დე ფრანსზე" ზეიმი შედგა.

პირველ ტაიმში მასპინძლები აშკარად დომინირებდნენ. ანგარიში მალევე გაიხსნა. კილიან მბაპემ გოლად აქცია ბლეზ მატუიდის გადაცემა. ჰოლანდიის ნაკრები პირველ ტაიმში საერთოდ ვერაფერს ახერხებდა. ფრანგებს კი კიდევ ჰქონდათ გატანის რამდენიმე შანსი...

მეორე ნახევრის საწყის მონაკვეთში დიდიე დეშამის ჩემპიონები რატომღაც მოეშვნენ და ამით ისარგებლეს "ნარინჯისფერებმა" - კენი ტეტეს ფლანგური გადაცემის შემდეგ რაიან ბაბელმა მცველს დაასწრო და წონასწორობა აღადგინა.

ფრანგებმა სისწრაფეები ჩართეს და ჰოლანდიას ეგრევე გაუჭირდა. შეცვლაზე შესულმა ბენჟამენ მენდიმ ოლივიე ჟირუ მონახა და "ჩელსის" ფორვარდმა" ერთი შეხებით ულამაზესი გოლი შეაგდო, რითიც მატჩს საბოლოო წერტილი დაუსვა.

დანიის ნაკრებმა კრისტიან ერიქსენის დუბლით შანსი არ დაუტოვა უელსს, რომელმაც რამდენიმე დღით ადრე შთამბეჭდავად დაამარცხა (4:1) ირლანდია. უკრაინამ კი ანდრეი იარმოლენკოს პენალტით უმაყურებლო მატჩში იმარჯვა სლოვაკეთთან.

ამხანაგური მატჩი
გერმანია-პერუ 2:1
გოლები: 0:1 ადვინკულა (22), 1:1 ბრანდტი (25), 2:1 შულცი (85)
გერმანია (4-3-3): ტერ შტეგენი - გინტერი (72. კერერი), ბოატენგი (46. რიუდიგერი), ზიულე, შულცი - გიუნდოგანი (84. მიულერი), კიმიხი, კროოსი - ბრანდტი (70. პეტერსენი), ვერნერი (88. ჰავერტცი), როისი (46. დრაქსლერი).

ლიგა A. I ჯგუფი
საფრანგეთი-ჰოლანდია 2:1
გოლები: 1:0 მბაპე (14), 1:1 ბაბელი (67), 2:1 ჟირუ (74)

საფრანგეთი: არეოლა, ვარანი, უმტიტი, ერნანდესი (62. მენდი), პავარი, მატუიდი, პოგბა, კანტე, ჟირუ (89. დემბელე), გრიზმანი (62. ნზონზი), მბაპე
ჰოლანდია: სილესენი, ბლინდი, ვან დეიკი, ტეტე (82. იანმაატი), დე ლიგტი, ბაბელი (82. ლ. დე იონგი), ვეინალდუმი, პროპერი, ფ. დე იონგი, დეპაი, პრომესი

(76. ვორმერი)
თ მ ფ წ ბ ქ
1. საფრანგეთი 2 1 1 0 2-1 4
2. გერმანია 1 0 1 0 0-0 1
3. ჰოლანდია 1 0 0 1 1-2 0

13 ოქტომბერი
ჰოლანდია-გერმანია

ლიგა A. II ჯგუფი
შვეიცარია-ისლანდია 6:0
გოლები: 1:0 ცუბერი (13), 2:0 ზაკარია (23), 3:0 შაჩირი (53), 4:0 სეფეროვიჩი (67), 5:0 აიეტი (71), 6:0 მეჰმედი (82)

11 სექტემბერი
ისლანდია-ბელგია 22:45

ლიგა A. III ჯგუფი
იტალია-პოლონეთი 1:1
გოლები: 0:1 ზელინსკი (40), ჟორჟინიო (78, პენ)

იტალია: დონარუმა, ძაპაკოსტა, ბონუჩი, კიელინი, ბირაგი, პელეგრინი (46. ბონავენტურა), ჟორჟინიო, გალიარდინი, ბერნარდესკი, ბალოტელი (61. ბელოტი), ინსინიე (72. კიეზა)
პოლონეთი: ფაბიანსკი, ბერეშჩინსკი, ბედნარეკი, გლიკი, რეკა, კლიხი (55. შიმანსკი), კრიხოვიაკი, ზელინსკი (66. ლინეტი), ბლაშჩიკოვსკი (80. პეტრჟაკო), კურზავა, ლევანდოვსკი

10 სექტემბერი
პორტუგალია-იტალია 22:45

ლიგა A. IV ჯგუფი
ინგლისი-ესპანეთი 1:2
გოლები: 1:0 რაშფორდი (11), 1:1 საულ ნიგესი (13), 1:2 როდრიგო (32)

ინგლისი: პიკფორდი, გომესი, სტოუნზი, მაგუაირი, ტრიპიერი, შოუ (53. როუზი), ჰენდერსონი (64. დაიერი), ლინგარდი, ალი, რაშფორდი (უელბეკი, 90), კეინი
ესპანეთი: დე ხეა, კარვახალი, ნაჩო, რამოსი, ალონსო (87. ინიგო მარტინესი), ბუსკეტსი, საულ ნიგესი, ალკანტარა (80. სერხი რობერტო), ისკო, ასპასი (68. ასენსიო), როდრიგო.

11 სექტემბერი
ესპანეთი-ხორვატია 22:45

ლიგა B. I ჯგუფი
უკრაინა-სლოვაკეთი 1:0
გოლი: 1:0 იარმოლენკო (80-პენ)

თ მ ფ წ ბ ქ
1. უკრაინა 2 2 0 0 3-1 6
2. ჩეხეთი 1 0 0 1 1-2 0
3. სლოვაკეი 1 0 0 1 0-1 0

13 ოქტომბერი
სლოვაკეთი-ჩეხეთი

ლიგა B. II ჯგუფი
თურქეთი-რუსეთი 1:2
გოლები: 0:1 ჩერიშევი (13), 1:1 აზიზი (41), 1:2 ძიუბა (49)

10 სექტემბერი
შვედეთი-თურქეთი 22:45

ლიგა B. III ჯგუფი
ჩრდ. ირლანდია-ბოსნია 1:2
გოლები: 0:1 დულევიჩი (36), 0:2 სარიჩი (64), 1:2 გრიგი (90+3)

11 სექტემბერი
ბოსნია-ავსტრია 22:45

ლიგა B. IV ჯგუფი
დანია-უელსი 2:0
გოლები: 1:0 ერიქსენი (32), 2:0 ერიქსენი (63-პენ)

თ მ ფ წ ბ ქ
1. დანია 1 1 0 0 2-0 3
2. უელსი 2 1 0 1 4-3 3
3. ირლანდია 1 0 0 1 1-4 0

13 ოქტომბერი
ირლანდია-დანია

ლიგა C. I ჯგუფი
ალბანეთი-ისრაელი 1:0
გოლები: 1:0 ჯაკა (55)

10 სექტემბერი
შოტლანდია-ალბანეთი 22:45

ლიგა C. II ჯგუფი
ფინეთი-უნგრეთი 1:0
გოლი: 1:0 პუკი (7)
ესტონეთი-საბერძნეთი 0:1
გოლი: 0:1 ფორტუნისი (14)

ლიგა C. III ჯგუფი
ბულგარეთი-ნორვეგია 1:0
გოლი: 1:0 ვასილიევი (59)

კვიპროსი-სლოვენია 2:1
გოლები: 0:1 ბერიჩი (54), 1:1 სოტირიუ (69), 2:1 სტოიანოვიჩი (89-საკ. კარში)

თ მ ფ წ ბ ქ
1. ბულგარეთი 2 2 0 0 3-1 6
2. ნორვეგია 2 1 0 1 2-1 3
3. კვიპროსი პ2 1 0 1 2-3 3
4. სლოვენია 2 0 0 2 2-4 0

13 ოქტომბერი
ბულგარეთი-კვიპროსი
ნორვეგია-სლოვენია
ლიგა C. IV ჯგუფი
ლიეტუვა-სერბეთი 0:1
გოლები: 0:1 ტადიჩი (38-პენ)
გამოუყენებელი პენალტი: ტადიჩი (83)
რუმინეთი-ჩერნოგორია 0:0
გაძევება: მუგოსა (77. ჩერნოგორია)

10 სექტემბერი
სერბეთი-რუმინეთი 22:45
ჩერნოგორია-ლიტვა 22:45

ყოველდღიური სპორტული გაზეთი "ლელო"
933
მკითხველის კომენტარები / 0 /
მსგავსი ამბები
რუბრიკის სხვა სიახლეები
;