პოლიტიკური შეკითხვა ფეხბურთში: რა მოხდება, თუ საქართველო კოსოვოს შევხვდება?

საქართველოს ეროვნულმა ნაკრებმა ერთა ლიგის ჯგუფი მოიგო და ახლა იმის მოლოდინშია, თუ ვის შეხვდება პლეი ოფში. არის დიდი ალბათობა, რომ ნახევარფინალში ჩვენი გუნდის ერთ-ერთი მეტოქე კოსოვოს ეროვნული ნაკრები იყოს და უფრო დიდი შანსია, ეს თამაში თბილისში გაიმართოს.

კოსოვოსთან მატჩს ავცდებით, თუ აზერბაიჯანი გასვლაზე მათ ძლევას მოახერხებს, მაგრამ მეორე ვარიანტისთვისაც მზად უნდა ვიყოთ. საკითხი მეტად დელიკატურია, ქართულ საფეხბურთო წრეებში მას უკვე მოჰყვა გარჩევა, თუმცა ის სცდება ფეხბურთის სფეროს და პოლიტიკურ ჭრილში გადადის.

საქმე ისაა, რომ საქართველო, აბსოლუტურად გასაგები მიზეზების გამო, არ აღიარებს კოსოვოს დამოუკიდებლობას. ასეთ შემთხვევაში, ისმის კითხვა - როგორ შემოვლენ ისინი საქართველოში, თუ ჩვენი გზები გადაიკვეთა?

ერთი რამ ფაქტია - საქართველოში გამართულ სხვადასხვა სპორტულ ფორუმებზე კოსოვოს დამოუკიდებელი გუნდით არაერთხელ უასპარეზია. ამისთვის საჭიროა სპეციალური ნებართვა. იმ შემთხვევაში, თუ კოსოვო შეგვხვდება, საქმეში საქართველოს სახელმწიფო სტრუქტურები ჩაერთვებიან და ამით ყველაფერი მოგვარდება.

ზოგადად, აჟიოტაჟი გასაგებია, რადგან საქართველოს ნაკრების წარმატებამ მთელი ქვეყანა ფეხზე დააყენა. რა თქმა უნდა, სადღეისოდ არავინ ფიქრობს იმაზე, რომ თუნდაც კოსოვოსთან შეხვედრის შემთხვევაში ნეიტრალურ მინდორზე ვითამაშოთ და გავფლანგოთ უპირატესობა, რომელსაც საშინაო ასპარეზი გვაძლევს.

ოთარ გაბელია: ქართველებს გაფლანგული ნიჭით გააკვირვებ?!

3808
მკითხველის კომენტარები / 0 /
მსგავსი ამბები
რუბრიკის სხვა სიახლეები