ერთა ლიგა. საქართველოს ნაკრების მეტოქე იცვლება? ლუქსემბურგი ბელარუსის ნაცვლად?

აქამდე ასე ვიცოდით, რომ საქართველოს ეროვნული ნაკრები ერთა ლიგის ნახევარფინალში შინ ბელარუსს უნდა შეხვედროდა. შემოგთავაზეთ ბელარუსის ნაკრების მთავარი მწვრთნელის, მიხაილ მარხელის პრესკონფერენციაც, სადა ის ასეთ რამეს ამბობს - ჩვენი მთავარი მიზანია, მარტში ქართველებთან სათამაშოდ კარგად მოვემზადოთ, რათა ევროპის ჩემპიონატის ფინალური ეტაპის საგზური მოვიპოვოთო...

ჩვენი მხრივ, ქართული ფეხბურთისთვის უმნიშვნელოვანეს მატჩს უდიდესი იმედით ველით, მაგრამ... შესაძლოა, სიტუაცია შეიცვალოს და ამასთან, შეიცვალოს ერთა ლიგის ნახევარფინალში ჩვენი ქვეყნის უპირველესი გუნდის მოწინააღმდეგეც.

ეს იმ შემთხვევაში მოხდება, თუ კოსოვოს ეროვნული გუნდი ევროპის ჩემპიონატის მიმდინარე შესარჩევი ციკლიდან მოიპოვებს ევროპის ჩემპიონატის საგზურს. მაშინ, ეს ნაკრები ერთა ლიგაში აღარ ითამაშებს.

ევროშესარჩევი ციკლის ბოლო შეხვედრაში კოსოვომ შინ მოულოდნელად სძლია ჩეხეთს. თავდაპირველად სტუმრები დაწინაურდნენ. გოლი "ლაიპციგის" შემტევმა, პატრიკ შიკმა შეაგდო, რის შემდეგაც კოსოვომ ორი ბურთი გაიტანა. ჯერ "ფენერბაჰჩეს" შემტევმა ვედათ მუქირიმ გაიტანა, მერე კი ლიეჟის "სტანდარდის" მცველმა - მერგიმ ვოევოდამ ახეირა თავისიანები.

თუ კოსოვო ევროპის ჩემპიონატზე პირდაპირ გავა, მაშინ თბილისს ბელარუსის ნაკრები აღარ ეწვევა. კოსოვოს ჩაანაცვლებს უარესი რეიტინგის მქონე ლუქსემბურგი და საქართველო სწორედ მას უმასპინძლებს, ბელარუსი კი წავა მაკედონიაში.

ახლა ვიფიქროთ, რომელი ვარიანტი გვირჩევნია...

ყოველდღიური სპორტული გაზეთი "ლელო"
11389
მკითხველის კომენტარები / 4 /
Emiri
0
კოსოვო ვერ გავა , ასერო არაფერი შეიცვლება
juve
0
luxsenburg!!! r a g a t q m a u n d a !!!
მსგავსი ამბები
რუბრიკის სხვა სიახლეები
;