საქართველო VS ანდორა: მერე რა, რომ ცამეტია?!

13 ოქტომბერს, 20 საათზე, საქართველოს ეროვნული ნაკრები ერთა ლიგის მესამე ტურის მატჩში ანდორას უმასპინძლებს.

ერთა ლიგაში 100-პროცენტიანი შედეგი გვაქვს. მოვიგეთ 2-დან 2 მატჩი. მერე რა, რომ ოქტომბრის 13-ში ვთამაშობთ?! ეს თამაში უნდა მოვიგოთ და ჯგუფში პირველობისკენ მორიგი სოლიდური ნაბიჯი გადავდგათ...

ორი დანაკლისი და ჯანო

საქართველოს ნაკრები ამ შეხვედრაში ლევან მჭედლიძისა და გიორგი პაპუნაშვილის გარეშე ითამაშებს. დანაკლისი არის და ამას გვერდს ვერაფრით ავუვლით. განსაკუთრებით მჭედლიძის არყოფნა გვაწუხებს, ვინც ხანგრძლივი ტრავმის შემდეგ დაბრუნდა, კარგი მატჩიც ჩაატარა და... ისევ დაშავდა.

სამაგიეროდ, გვემატება ჯანო ანანიძე - მოსკოვის "სპარტაკის" ფანტაზისტა", ვისაც ნამდვილად შეუძლია, გააწამოს ანდორელთა დაცვა გონივრული პასებითა და არაორდინარული ტექნიკით. ვლადიმირ ვაისის სანაკრებო სიაში ამ დროისთვის ერთადერთი დებიუტანტია - პოლონური "არკას" გარემარბი ლუკა ზარანდია, ვინც დღესდღეობით შესანიშნავ ფორმაშია.

ნაკრების შემადგენლობას რომ გადავხედავთ, თვალში გვეცემა ცენტრფორვარდების სიმცირე. გაფართოებულ შემადგენლობას თუ გვერდზე გადავდებთ, ასეთი ნიკა კაჭარავაა. არ გამოვრიცხავთ, ანდორასთან თამაშამდე ვაისმა სანაკრებო სიას ბაჩანა არაბული ან ბუდუ ზივზივაძე დაამატოს.

არც იმას გამოვრიცხავთ, დაცვაში ჩაკეტილ მეტოქესთან ეგრეთ წოდებული ცრუფორვარდებით, ანუ გამოკვეთილი ცენტრალური თავდამსხმელის გარეშე ვითამაშოთ.

ფაქტია, მოგვიწევს ანდორული "ავტობუსის გადაყენება". მეტოქე 10 კაცით რომ ჩადგება დაცვაში, ამის ვარაუდი აქედანვე შეიძლება.

რას წარმოადგენს ანდორა?

ეს არის ძირითადად მოყვარული ფეხბურთელებით დაკომპლექტებული ნაკრები. ზოგი ინჟინერია, ზოგი მასწავლებელი, ზოგი პოლიციელი და ასე შემდეგ. და მაინც, სრული საფუძველი გვაქვს, დავწეროთ, რომ კოლდო ალვარესის გუნდი პროგრესირებს.

მათი ოპტიმიზმის მთავარი საფუძველი, ალბათ, ის არის, რომ მიმდინარე წელს ანდორის ნაკრებს ერთი მატჩიც კი არ წაუგია. თითქოს ამის დაჯერება რთულია, მაგრამ ფაქტს ვერსაც გავექცევით - 21 მარტს ანდორის უპირველესი გუნდი ამხანაგურ შეხვედრაში ლიხტენშტაინს შეხვდა (თამაში ესპანეთში გაიმართა) და 1:0 მოიგო. ერთადერთი გოლი მარკ რებესმა გაიტანა.

ზოგადად, ანდორამ დაცვა "ჩააბეტონა" და მოწინააღმდეგეს საკუთარ კართან, პრაქტიკულად, არაფრის შექმნის საშუალება არ მისცა.

ამის შემდეგ ანდორის ნაკრებმა პორტუგალიურ ალმადაში ითამაშა კაპე ვერდეს ნაკრებთან და არსებობის ისტორიაში ერთ-ერთი საუკეთესო შედეგი დააფიქსირა. აფრიკელები, პორტუგალიასა და ჰოლანდიაში დაბადებულ-გაზრდილი ბიჭებით რომ არიან დაკომპლექტებული, მეტოქეზე უკეთესები კი იყვნენ, მაგრამ... გოლი ვერა და ვერ გაიტანეს.

სხვათა შორის, სწორედ კაპე ვერდეს ნაკრების წევრი გახლავთ გორის "დილას" ყოფილი ლეგიონერი ალვინ ფორტესი. მოგეხსენებათ, ისიც ჰოლანდიაში დაიბადა და გაიზარდა, მაგრამ მისი მშობლები კაპე ვერდედან არიან და მანაც ამ ქვეყნის ნაკრებში ისურვა თამაში...

გუნდის ძირითადი ბირთვი პორტუგალიის ჩემპიონატის უმაღლეს ლიგაში ასპარეზობს. ამადაც იყო დასაფასებელი ანდორელთა მიღწევა, რომლებიც თავიდან, თითქოს, განწირულები იყვნენ.

16 აგვისტოს ანდორის ნაკრები ავსტრიულ გროდიგში საწვრთნელ შეკრებაზე მყოფ არაბთა გაერთიანებული საამიროების ნაკრებს დაუპირისპირდა და მეტოქე პირში ჩალაგამოვლებული დატოვა - იოლ გამარჯვებას რომ ელოდა, ხელთ ნულოვანი ფრე შერჩა.

ამის შემდეგ იყო ერთა ლიგის სტარტი. ანდორის ნაკრები რიგაში ეწვია ლატვიას. ეს იყო მიკსუ პაატელაინენის პირველი ოფიციალური მატჩი ლატვიის ნაკრების მთავარი მწვრთნელის პოსტზე. რა თქმა უნდა, ლატვიელებს ძალიან უნდოდათ გამარჯვება, მეტადრე გუნდის ახალ დამრიგებელს სურდა დებიუტის 3 ქულით აღნიშვნა, მაგრამ... ბალტიელები ანდორულ თავდაცვით ბასტიონებთან ვერაფერს გახდნენ - 0:0.

მერე იყო საშინაო მატჩი ყაზახეთთან. ანდორა აგებდა, მაგრამ ხორდი ალაესმა ანგარიშის გათანაბრება შეძლო. ბოლოს კი ყაზახებს მეტოქის კონტრშეტევა გაეპარათ და მასპინძლებს ცოტა მეტი საშემსრულებლო ოსტატობა რომ ჰქონოდათ, უსათუოდ მოიგებდნენ.

ანდორის ნაკრებს ერთწლიანი უქმობის შემდეგ უბრუნდება 36 წლის ნახევარმცველი მარკ პუიოლი. 2000 წლიდან მოყოლებული, მან ნაკრებში 80 შეხვედრა ჩაატარა და 2 გოლი შეაგდო.


D ლიგა. I ჯგუფი

შაბათი, 13 ოქტომბერი
საქართველო-ანდორა 20:00
ლატვია-ყაზახეთი 20:00
სამშაბათი, 16 ოქტომბერი
ყაზახეთი-ანდორა 18:00
ლატვია-საქართველო 22:45

            თ მ ფ წ ბ ქ
1. საქართველო 2 2 0 0 3-0 6
2. ანდორა 2 0 2 0 1-1 2
3. ლატვია 2 0 1 1 0-1 1
4. ყაზახეთი 2 0 1 1 1-3 1

საქართველო
მეკარეები - გიორგი ლორია (უგუნდოდ), როინ კვასხვაძე (ტორპედო), ლაზარე კუპატაძე (საბურთალო);
მცველები - ოთარ კაკაბაძე (ლუცერნი, შვეიცარია), საბა კვერკველია (ლოკომოტივი, რუსეთი), დავით ხოჭოლავა (შახტარი, უკრაინა), გურამ კაშია (სან ხოსე, აშშ), ლაშა დვალი (პოგონი, პოლონეთი), გიორგი ნავალოვსკი (დინამო მნ, ბელარუსი), ჯიმი ტაბიძე (უფა, რუსეთი);
ნახევარმცველები - ჯაბა კანკავა, ნიკა კვეკვესკირი (ორივე - ტობოლი, ყაზახეთი), გიორგი აბურჯანია (ლუგო, ესპანეთი), ვაკო გვილია (ლუცერნი, შვეიცარია), ოთარ კიტეიშვილი (შტურმი, ავსტრია), ჯანო ანანიძე (სპარტაკი, მოსკოვი), გიორგი მერებაშვილი (ვისლა, პლოცკი, პოლონეთი), გიორგი ჩაკვეტაძე (გენტი, ბელგია), თორნიკე ოქრიაშვილი (კრასნოდარი, რუსეთი), ვაკო ყაზაიშვილი (სან ხოსე, აშშ), ჯაბა ჯიღაური (გრენობლი, საფრანგეთი), ლუკა ზარანდია (არკა, პოლონეთი), ვახტანგ ჭანტურიშვილი (ტრნავა, სლოვაკეთი);
თავდამსხმელი - ნიკა კაჭარავა (ანორთოსისი, კვიპროსი).

ანდორა
მეკარეები - ხოსეპ გომესი (სტ. კოლომა), ფერან პოლი (სტ. ხულია), ფრანსისკო პირესი (ფკ ანდორა);
მცველები - ჟორდი რუბიო (სტ. კოლომა), ტექსუს რუბიო (სტ. კოლომა), ილდეფონს ლიმა (ინტერ დ"ესკალდესი), მაქს ლოვერა (ორტა, ესპანეთი), ემილი გარსია (ფკ ანდორა), მოისეს სან ნიკოლასი (სტ. კოლომა), მარკ გარსია (გრანოლიერსი, ესპანეთი), ჟოან სერვოსი (სანტბოია, ესპანეთი), მარკ რებესი (სტ. კოლომა);
ნახევარმცველები - მარსიო ვიეირა (ატლ. მონსონი, ესპანეთი), სერხი მორენო (ინტერ დ"ესკალდესი), ვიქტორ როდრიგესი (სტ. კოლომა), მარკ ვალესი (სანდეფიორდი, ნორვეგია), მარკ ფერე (ფკ ანდორა), მარკ პუიოლი (ფკ ანდორა), კრისტიან მარტინესი (ფკ ანდორა), ხორდი ალაესი (ფკ ანდორა);
თავდამსხმელები - ლუდოვიკ კლემენტე (ფკ ანდორა), ხულიო სანჩესი (სტ. კოლომა)

A ლიგა. I ჯგუფი

შაბათი, 13 ოქტომბერი
ჰოლანდია-გერმანია 22:45
სამშაბათი, 16 ოქტომბერი
საფრანგეთი-გერმანია 22:45

თ მ ფ წ ბ ქ
1. საფრანგეთი 2 1 1 0 2-1 4
2. გერმანია 1 0 1 0 0-0 1
3. ჰოლანდია 1 0 0 1 1-2 0

II ჯგუფი

პარასკევი, 12 ოქტომბერი
ბელგია-შვეიცარია 22:45
ორშაბათი, 15 ოქტომბერი
ისლანდია-შვეიცარია 22:45

თ მ ფ წ ბ ქ
1. შვეიცარია 1 1 0 0 6-0 3
2. ბელგია 1 1 0 0 3-0 3
3. ისლანდია 2 0 0 2 0-9 0

III ჯგუფი

ხუთშაბათი, 11 ოქტომბერი
პოლონეთი-პორტუგალია 2:3
გოლები: 1:0 პიატეკი (18), 1:1 ანდრე სილვა (31), 1:2 გლიკი (43-საკ. კარში), 1:3 ბერნარდო სილვა (52), 2:3 ბლაშჩიკოვსკი (77)
კვირა, 14 ოქტომბერი
პოლონეთი-იტალია 22:45

თ მ ფ წ ბ ქ
1. პორტუგალია 2 2 0 0 4:2 6
2. პოლონეთი 2 0 1 1 3:4 1
3. იტალია 2 0 1 1 1:2 1

IV ჯგუფი

პარასკევი, 12 ოქტომბერი
ხორვატია-ინგლისი 22:45
ორშაბათი, 15 ოქტომბერი
ესპანეთი-ინგლისი 22:45

თ მ ფ წ ბ ქ
1. ესპანეთი 2 2 0 0 8-1 6
2. ინგლისი 1 0 0 1 1-2 0
3. ხორვატია 1 0 0 1 0-6 0

B ლიგა. I ჯგუფი

შაბათი, 13 ოქტომბერი
სლოვაკეთი-ჩეხეთი 17:00
სამშაბათი, 16 ოქტომბერი
უკრაინა-ჩეხეთი 22:45

თ მ ფ წ ბ ქ
1. უკრაინა 2 2 0 0 3-1 6
2. ჩეხეთი 1 0 0 1 1-2 0
3. სლოვაკეთი 1 0 0 1 0-1 0

II ჯგუფი

ხუთშაბათი, 11 ოქტომბერი
რუსეთი-შვედეთი 0:0
კვირა, 14 ოქტომბერი
რუსეთი-თურქეთი 22:45

თ მ ფ წ ბ ქ
1. რუსეთი 2 1 1 0 2-1 4
2. თურქეთი 2 1 0 1 4-4 3
3. შვედეთი 2 0 1 1 2-3 0

III ჯგუფი

პარასკევი, 12 ოქტომბერი
ავსტრია-ჩრ. ირლანდია 22:45
ორშაბათი, 15 ოქტომბერი
ბოსნია-ჩრ. ირლანდია 22:45

თ მ ფ წ ბ ქ
1. ბოსნია 2 2 0 0 3-1 6
2. ჩრ. ირლანდია 1 0 0 1 1-2 0
3. ავსტრია 1 0 0 1 0-1 0

IV ჯგუფი
შაბათი, 13 ოქტომბერი
ირლანდია-დანია 22:45
სამშაბათი, 16 ოქტომბერი
ირლანდია-უელსი 22:45

თ მ ფ წ ბ ქ
1. დანია 1 1 0 0 2-0 3
2. უელსი 2 1 0 1 4-3 3
3. ირლანდია 1 0 0 1 1-4 0

C ლიგა. I ჯგუფი

ხუთშაბათი, 11 ოქტომბერი
ისრაელი-შოტლანდია 2:1
გოლები: 0:1 მელგრიუ (25-პენ), 1:1 პერეტცი (52), 2:1 ტიერნი (75-საკ. კარში)
გაძევება: სუტარი (61. შოტლანდია)

კვირა, 14 ოქტომბერი
ისრაელი-ალბანეთი 22:45

თ მ ფ წ ბ ქ
1. შოტლანდია 2 1 0 1 3:2 3
3. ისრაელი 2 1 0 1 2:2 3
2. ალბანეთი 2 1 0 1 1:2 3

II ჯგუფი

პარასკევი, 12 ოქტომბერი
ესტონეთი-ფინეთი 22:45
საბერძნეთი-უნგრეთი 22:45

ორშაბათი, 15 ოქტომბერი
ესტონეთი-უნგრეთი 22:45
ფინეთი-საბერძნეთი 22:45

თ მ ფ წ ბ ქ
1. ფინეთი 2 2 0 0 2-0 6
2. საბერძნეთი 2 1 0 1 2-2 3
3. უნგრეთი 2 1 0 1 2-2 3

III ჯგუფი
შაბათი, 13 ოქტომბერი
ნორვეგია-სლოვენია 20:00
ბულგარეთი-კვიპროსი 22:45

სამშაბათი, 16 ოქტომბერი
ნორვეგია-ბულგარეთი 22:45
სლოვენია-კვიპროსი 22:45

თ მ ფ წ ბ ქ
1. ბულგარეთი 2 2 0 0 3-1 6
2. ნორვეგია 2 1 0 1 2-1 3
3. კვიპროსი 2 1 0 1 2-3 3

IV ჯგუფი
ხუთშაბათი, 11 ოქტომბერი
ლიეტუვა-რუმინეთი 1:2
გოლები: 0:1 ჩიპჩუ (13), 1:1 ჟულპა (90), 1:2 მაქსიმი (90+4)
ჩერნოგორია-სერბეთი 0:2
გოლები: 0:1 მიტროვიჩი (18-პენ), 0:2 მიტროვიჩი (81)

კვირა, 14 ოქტომბერი
რუმინეთი-სერბეთი 17:00
ლიეტუვა-ჩერნოგორია 22:45

თ მ ფ წ ბ ქ
1. სერბეთი 3 2 1 0 5:2 7
2. რუმინეთი 3 1 2 0 4:3 5
3. ჩერნოგორია 3 1 1 1 2:2 4

D ლიგა. II ჯგუფი

პარასკევი, 12 ოქტომბერი
ბელარუსი-ლუქსემბურგი 22:45
მოლდოვა-სან მარინო 22:45

ორშაბათი, 15 ოქტომბერი
ბელარუსი-მოლდოვა 22:45
ლუქსემბურგი-სან მარინო 22:45

თ მ ფ წ ბ ქ
1. ლუქსემბურგი 2 2 0 0 7-0 6
2. ბელარუსი 2 1 1 0 5-0 4
3. მოლდოვა 2 0 1 1 0-4 1
4. სან მარინო 2 0 0 2 0-8 0

III ჯგუფი
ხუთშაბათი, 11 ოქტომბერი
ფარერები-აზერბაიჯანი 0:3
გოლები: 0:1 ოლივეირა (28), 0:2 ნაზაროვი (67), 0:3 ოლივეირა (86-პენ)
კოსოვო-მალტა 3:1
გოლები: 1:0 კოლოლი (30), 1:1 აგიუსი (51), 2:1 მურიქი (68), 3:1 კოლოლი (81)
გაძევება: მიფსუდი (70. მალტა)

კვირა, 14 ოქტომბერი
აზერბაიჯანი-მალტა 20:00
ფარერები-კოსოვო 20:00

თ მ ფ წ ბ ქ
1. კოსოვო 3 2 1 0 5:1 7
2. აზერბაიჯანი 3 1 2 0 4:1 5
3. ფარერები 3 1 0 2 3:6 3
4. მალტა 3 0 1 2 3:7 1

IV ჯგუფი
შაბათი, 13 ოქტომბერი
სომხეთი-გიბრალტარი 20:00
მაკედონია-ლიხტენშტ. 22:45

სამშაბათი, 16 ოქტომბერი
სომხეთი-მაკედონია 20:00
გიბრალტარი-ლიხტენშ. 22:45

თ მ ფ წ ბ ქ
1. მაკედონია 2 2 0 0 4-0 6
2. ლიხტენშტაინი 2 1 0 1 3-2 3
3. სომხეთი 2 1 0 1 2-3 3
4. გიბრალტარი 2 0 0 2 0-4 0
ყოველდღიური სპორტული გაზეთი "ლელო"
1522
მკითხველის კომენტარები / 0 /
მსგავსი ამბები
რუბრიკის სხვა სიახლეები