ერთკვირიანი ლოდინი და გადაწყვეტილება: იქნება გამოძიება  

ძიუდოს ფედერაციაში დამთავრდა აღმასკომის სხდომა, რომელზეც განიხილეს ოსაკაში ჩვენი ნაკრების წევრებს მომხდარი ჩხუბი და ნაკრების მტავარი მწვრთნელის კანდიდატურა.

ჩხუბთან დაკავშირებით მიიღეს გადაწყვეტილება, რომ შეიქმნას საგამოძიებო კომისია, რომელიც შეისწავლის მოხდარს, მასში კი შევლენ ფედერაციის, სპორტის სამინისტროს და ოლიმპიური კომიტეტის წევრები. აგრეთვე მეტი გამჭვირვალობისთვის განზრახულია სპორტული ჟურნალისტების შეყვანაც. მათ შორის, მოიაზრებიან ამ სტრიქონების ავტორი, თამაზ გოგიბედაშვილი და სხვები. რაც შეეხებათ ზემოაღნიშნულ უწყბებებს, ისინი კომისიის წევრებს მომდევნო კვირაში დაასახელებენ.

აღმასკომმა ასევე იმსჯელა მთავარ მწვრთნელთან დაკავშირებითაც, თუმცა საბოლოო გადაწყვეტილება არ მიუღია - სავარაუდოდ, ეს საკითხიც მომდევნო კვირაში გადაწყდება, როცა აღმასკომი კიდევ ერთხელ შეიკრიბება, მოუსმენს კანდიდატებს, განიხილავს მათ პროგრამას და არ არის გამორიცხული, მაშინვე დაამტკიცოს. განიხილეს გურამ მოდებაძის, ილიას ილიადისის, გია თენაძის და ლაშა გუჯეჯიანის კანდიდატურები. ყველაზე გამოკვეთილი მაინც მოდებაძეა, თუმცა სამწვრთნელო დუეტიც (მაგალითად, მოდებაძე-თენაძე) სრულიად რეალურია.

ფედერაციის ხელმძღვანელთა დიდი სურვილია, მთავარი მწვრთნელი 27-28 დეკემბერს გასამართავ საქართველოს ჩემპიონატამდე დაინიშნოს, რადგან საკითხი მერე კიდევ უფრო მეტად გადაიწევს.

1068
მკითხველის კომენტარები / 0 /
მსგავსი ამბები
რუბრიკის სხვა სიახლეები