ეროვნული ლიგა. XXXI ტურის წინათქმა: ლიდერი ჩემპიონის წინააღმდეგ

დღეს, 22 ოქტომბერს, საქართველოს საფეხბურთო ჩემპიონატის ეროვნული ლიგის XXXI ტური ერთი მატჩით გაიხსნება. ბათუმში, "რაგბი არენაზე" ადგილობრივი "დინამო" საჩხერის "ჩიხურას" უმასპინძლებს. შეხვედრა 19:00 სთ-ზე დაიწყება.

ბათუმელები უძლიერესთა შორის ადგილის შენარჩუნებისთვის იბრძვიან, ამ მიზნის მისაღწევად კი, დარჩენილ შეხვედრებში დადებითი შედეგის ჩვენება სჭირდებათ. 30 ტურის შემდეგ "დინამოს" 32 ქულა აქვს, მერვე ადგილზეა და უშუალო კონკურენტს, გორის "დილას", ორი ქულით ჩამორჩება.

განსხვავებული მდგომარეობაა საჩხერელთა მხარეს, სოსო ფრუიძის გუნდს ლიგიდან გავარდნა არ ემუქრება. ევროტურნირებზე მოხვედრას კი, იმერული კლუბი საქართველოს დავით ყიფიანის სახელობის თასის მოგებით გეგმავს. შეგახსენებთ, თასის ნახევარფინალში 1 ნოემბერს "ჩიხურა" მესამელიგელ ხონის "იმერეთს" დაუპირისპირდება.

XXXI ტურის დანარჩენი ოთხი შეხვედრა 23 ოქტომბერს გაიმართება. ფოთის "კოლხეთი" ქობულეთის "შუქურას" მიიღებს, "საბურთალო" თბილისში გორის "დილას" უმასპინძლებს, ქუთაისის "ტორპედო" - თბილისის "ლოკომოტივს", ხოლო ტურს სატურნირო ცხრილის ლიდერის თბილისის "დინამოსა" და მოქმედი ჩემპიონის "სამტრედიას" დაპირისპირება დაასრულებს. ტურის ცენტრალური შეხვედრა "დინამო არენაზე" ჩატარდება.

ეროვნული ლიგა. XXXI ტური
22 ოქტომბერი, კვირა
დინამო (ბთ)-ჩიხურა 19:00

23 ოქტომბერი, ორშაბათი
კოლხეთი-შუქურა 13:00
საბურთალო-დილა 15:00
ტორპედო-ლოკომოტივი 18:00
დინამო (თბ)-სამტრედია 20:00

ბომბარდირები
ი. სი­ხა­რუ­ლი­ძე (ლო­კო­მო­ტი­ვი) 24
დ. ტატანაშვილი (ჩიხურა) 13
ბ. მიქელთაძე (დინამო თბ) 12.

1184
მკითხველის კომენტარები / 0 /
მსგავსი ამბები
რუბრიკის სხვა სიახლეები
;