ეროვნული ლიგა. დილამ კოლხეთს სტუმრად მოუგო

ეროვნული ლიგის 23-ე ტურის მატჩში "კოლხეთი 1913"-მა გორის "დილას" უმასპინძლა და 0:2 დამარცხდა.

"დილა" მე-9 წუთზე ისიფუ ლემპტის გოლით დაწინაურდა, რომელსაც ასისტენტობა ლეანდრო რიბერიომ გაუწია.

55-ე წუთზე სტუმართა უპირატესობა მიკოლა კოვტალიუკმა განამტკიცა. საგოლე პასი ისევ რიბერიოს ანგარიშზეა.

74-ე წუთზე გორელთა კარში პენალტი დაინიშნა, რომელიც პატერსონ კაბორეს ახალგაზრდა ქართველმა კიპერმა, ლუკა გუგეშაშვილმა აუღო და კარი მშრალად შეინახა.

23 ჩატარებული მატჩის შემდეგ "კოლხეთს" 8 ქულა აქვს და უკანასკნელ, მე-10 პოზიციაზე იმყოფება, "დილას" კი 22 შეხვედრა აქვს გამართული და 39 ქულით მე-3 ადგილზეა.

933
მკითხველის კომენტარები / 0 /
მსგავსი ამბები
რუბრიკის სხვა სიახლეები
;