ეროვნული ლიგა: სამტრედიამ საპრიზო გაინაღდა, დინამო ჩემპიონობას მიუახლოვდა [VIDEO]

სამტრედიასა და თბილისში ეროვნული ლიგის მატჩები გაიმართა. დასავლეთში სამტრედიელებმა "ფოთს" უმასპინძლეს და დამაჯერებად, 5:0 დაამარცხეს.

საბანაძისა და ოლაიტანის გოლებით მასპინძლები პირველ ტაიმშივე დაწინაურდნენ, იმავე ოლაიტანმა მეორის დასაწყისში დუბლი შეასრულა, ხოლო გიიმ და მანჯგალაძემ კიდევ ორი დაუმატეს და, როგორც მოგახსენეთ, 5:0 "სამტრედიას" სასარგებლოდ. 

ამ გამარჯვებით სამტრედიელებმა საპრიზო სამეულში მოხვედრა გაინაღდეს.

ქობულეთის "შუქურამ" ბათუმში "დინამო" მიიღო და მინიმალური სხვაობით 0:1 დამარცხდა. ჩემპიონობის მთავარ ფავორიტ დინამოელებს გამარჯვება 78-ე წუთზე ხვიჩა კვარაცხელიას გოლმა მოუტანა.

"დინამომ" ამ მოგებით ჩემპიონობისკენ დიდი ნაბიჯი გადადგა. შეგახსენებთ, რომ ეროვნული ლიგა წლეულს დასრულდება და ფინიშამდე 2 ტურია დარჩენილი.

1403
მკითხველის კომენტარები / 0 /
მსგავსი ამბები
რუბრიკის სხვა სიახლეები
;