ეროვნული ლიგა. სიონის ტრიუმფი ქვემოქართლურ დერბიში და დათუნაიშვილის სუპერგოლი [VIDEO]

საქართველოს ეროვნული ლიგის XXXII ტურის პირველი მატჩში "რუსთავმა" მიხეილ მესხის სახელობის სტადიონის სათადარიგო მოედანზე "სიონს" უმასპინძლა და 0:3 დამარცხდა. გამარჯვებულთაგან გოლები ალექსანდრე კოშკაძემ (მე-12 წუთი), დავით კირკიტაძემ (61) და გიორგი დათუნაიშვილმა (90+3) გაიტანეს.

ქვემოქართლურმა დერბიმ შედეგად მოიტანა ის, რომ "სიონმა" და "რუსთავმა" ცხრილში ადგილები გაცვალეს. ბოლნისელები სამშვიდობო, მე-7 ადგილზე აღზევდნენ, უჩა სოსიაშვილის გუნდი კი მე-8 ადგილზეა (პლეი აუტის ზონა). რეალურად, თემურ შალამბერიძის "სიონი" ბოლო მატჩებით ამტკიცებს, რომ ღირსია, შეინარჩუნოს ადგილი ეროვნულ ლიგაში. თუმცა ჯერ არც "რუსთავზე" შეიძლება ხაზის გადასმა. გადარჩენის შანსი ჯერ კიდევ არის.

ეს მატჩი მხოლოდ სატურნირო თვალსაზრისით არ იყო მნიშვნელოვანი. საქმე ისაა, რომ მიხეილ მესხის სახელობის სტადიონის სათადარიგო მოედანზე განათების სისტემა დამონტაჟდა. აქამდე, ამ სტადიონზე თამაშები მხოლოდ შუადღისას იმართებოდა.  ფეხბურთის ფედერაციის მიზანია, მატჩები მაქსიმალურად ხელოვნური განათების პირობებში ჩატარდეს, რადგან მიაჩნია, რომ ასეთ დროს ტრიბუნებზე უკეთესი საფეხბურთო გარემოა.

ცნობისთვის: რეაბილიტირებულ "მიხეილ მესხი 2" 14-20 ნოემბერს 19-წლამდელთა ევროპის ჩემპიონატის შესარჩევი ეტაპის მატჩებს უმასპინძლებს.

569
მკითხველის კომენტარები / 0 /
მსგავსი ამბები
რუბრიკის სხვა სიახლეები