ეროვნული ლიგა. XV ტურის წინათქმა: და მაინც, სტადიონზე უნდა მივიდეთ...ვნახოთ ჩვენი ფეხბურთი

დღეს საქართველოს ეროვნული ჩემპიონატის მორიგი ტურის ორი შეხვედრა გაიმართება. როგორ გინდა, სტადიონზე მისვლისკენ მოუწოდო გულშემატკივარს, რომელმაც ორიოდე დღის წინ ისეთი რამ გაიგო, უარესი წარმოუდგენელია.

და მაინც, სტადიონზე უნდა მივიდეთ. ჯერ ერთი, საქართველოს ჩემპიონატი ყველა ჩვენგანის ტკივილია და ისიც ჩვენვე უნდა დავაყენოთ ფეხზე... 
და მეორეც - რა დააშავეს იმ ფეხბურთელებმა, რომლებიც პატიოსნად შრომობენ და ამ დიდ სიბინძურეში არ არიან გარეულები...

ჩიხურა-დინამო (ბთ)
“ჩიხურა” ეროვნულ ჩემპიონატში მეოთხე ადგილზეა. საჩხერული კლუბი ბოლო დროს მართლაც შესანიშნავად თამაშობს. საკმარისია, აღინიშნოს, რომ ბოლო 3 შეხვედრაში საჩხერელები კარს “მშრალად” ინახავენ. ასე რომ. ბათუმის “დინამოს” ამ შეხვედრის უპირობო ფავორიტად ნამდვილად ვერ შევრაცხავთ.

რაც შეეხება ბათუმელების გუნდს, მათ მიმართ ძირითადად კარგი უნდა ვთქვათ. აჭარული კლუბი მეორე ადგილზეა. ეგაა, თუ ჩემპიონობა სურს, გასვლაზე კიდევ უფრო უკეთესად თამაში უნდა ისწავლოს. 

არ შეიძლება, არ აღინიშნოს ორი გამორჩეული ქართველი მწვრთნელის, სოსო ფრუიძისა და გია გეგუჩაძის დუელი. ამ გუნდებს შორის პირველი წრის მატჩი 0:0 მორჩა. ის თამაში ბათუმში გაიმართა და ფეხბურთზე უფრო წყალბურთს ჰგავდა...

ვიტ ჯორჯია-ლოკომოტივი
“ვიტ ჯორჯიაში” უმძიმესი მდგომარეობაა. რა და როგორ მოხდა, ყველამ კარგად ვიცით. ვლადიმერ ხაჩიძის გაწვრთნილ გუნდს ის 5 ფეხბურთელი არ ეყოლება, რომლებიც გუშინ სასამართლოს განაჩენს ისმენდნენ...

ვნახოთ, რამდენად შეძლებენ მეორე გუნდიდან დამატებული ფეხბურთელები მათ ჩანაცვლებას.”ვიტ ჯორჯიამ” ზედიზედ 5 შეხვედრა წააგო.
“ლოკომოტივი” ამ შეხვედრაში ფავორიტია. გუნდი კარგ ფორმაშია და ზედიზედ 2 მატჩიც მოიგო. ამდენად, გუნდების ფსიქოლოგიური მზაობა სხვადასხვა პოლუსზეა.

ხუთშაბათი, 23 მაისი
ჩიხურა-დინამო (ბთ) 19:00

თბილისი. მიხეილ მესხი. LIVE II არხი

15: +6 =5 -4, 14-10
I წრე: 0:0

ვიტ ჯორჯია-ლოკომოტივი 21:00
თბილისი. მიხეილ მესხი (სათ). 

LIVE TV O2 
39: +18 =11 -10, 46-32
I წრე: 1:0

დისკვალიფიკაცია: სანდრო გურეშიძე (ლოკომოტივი)

პარასკევი, 24 მაისი
სიონი-რუსთავი 17:00
ბოლნისი. თამაზ სტეფანია. 

LIVE TV O2
5: +1 =2 -2, 6-9
I წრე: 1:1

დინამო (თბ)-ტორპედო 19:00
თბილისი. დინამო არენა. 

LIVE I არხი

72: +35 =20 -17, 118-67
I წრე: 0:0

დილა-საბურთალო 21:00
გორი. თენგიზ ბურჯანაძე. 

LIVE TV O2
13: +4 =3 -6, 13-15

I წრე: 1:2

თ მ ფ წ ბ ქ
1. საბურთალო 14 10 0 4 30:21 30
2. დინამო (ბთ) 14 9 1 4 22:14 28
3. ტორპედო 14 8 2 4 24:18 26
4. ჩიხურა 14 5 7 2 20:11 22
5. დინამო (თბ) 14 6 2 6 25:18 20
6. სიონი 14 6 2 6 18:30 20
7. დილა 14 5 2 7 12:13 17
8. ლოკომოტივი 14 5 0 9 17:22 15
9. ვიტ ჯორჯია 14 3 2 9 7:16 11
10. რუსთავი 14 2 4 8 14:26 10

ბომბარდირები

ლ. შინდაგორიძე (საბურთალო) 9
ჯ. უგულავა (სიონი) 8
ბ. ზივზივაძე (ტორპედო) 8
მ. სარდალიშვილი (ჩიხურა) 7
ლ. კუტალია (დინამო თბ) 7

ყოველდღიური სპორტული გაზეთი "ლელო"
484
მკითხველის კომენტარები / 0 /
მსგავსი ამბები
რუბრიკის სხვა სიახლეები
;