ეროვნული ლიგა. XXXIII ტური: თბილისის დინამომ ბათუმის დინამო გაანადგურა

5 ნოემბერს, საქართველოს საფეხბურთო ჩემპიონატის ეროვნული ლიგის 33-ე ტურის მორიგი მატჩი გაიმართა. თბილისის "დინამომ" ბათუმის "დინამოს" უმასპინძლა და მეტოქე ანგარიშით 4:0 დაამარცხა.

"დინამო არენაზე" ჩატარებულ შეხვედრაში ჰეთ თრიქი ბექა მიქელთაძემ (49–ე, 79–ე და 82–ე წუთებზე ) შეასრულა, მანამდე ანგარიში კი მე–19 წუთზე ლევან გეგეჭკორმა გახსნა. 

ამ გამარჯვებით კახა კაჭარავას გუნდმა 71 ქულა დააგროვა და სატურნირო ცხრილის სათავეშია. 33 ქულით მე–8 პოზიციაზეა ბათუმის "დინამო".

ტური დღეს მოგვიანებით, 19:00 სთ-ზე, ქუთაისში გასამართი შეხვედრით დასრულდება - მეორეადგილოსანი "ტორპედო" რამაზ შენგელიას სახელობის სტადიონზე, ცხრილში ერთი საფეხურით ქვემოთ მყოფ "სამტრედიას" უმასპინძლებს.

1361
მკითხველის კომენტარები / 0 /
მსგავსი ამბები
რუბრიკის სხვა სიახლეები
;