ეროვნულ ლიგაში და ლიგა 2-ში მონაწილეებიც ცნობილია და წყვილებიც

"რუსთავმა" "სამტრედია" დიდი ანგარიშით (3:0) დაამარცხა და ეროვნულ ლიგაში ადგილი შეინარჩუნა. ამ მატჩით დაიწყო ეროვნული საფეხბურთო ლიგის 35-ე ტური...

ამრიგად, "რუსთავმა" 37 ქულა დააგროვა და ბოლო ტურის წინ 6 ქულით გაუსწრო "სიონს", რომელიც დღეს თბილისში ქუთაისის "ტორპედოს" უმასპინძლებს. ეს შეხვედრა ბოლნისელებისთვის უკეთესობისკენ ვეღარაფერს შეცვლის, რადგან "სამტრედიასთან" მოგებით, "რუსთავმა" ეროვნულ ლიგაში ადგილი შეინარჩუნა, რითიც ავტომატურად გაირკვა სამივე უიღბლო გუნდი: ეროვნული ლიგიდან გავარდა ფოთის "კოლხეთი", ხოლო "სიონი" და "სამტერდია" პლეი აუტში ითამაშებენ.

35-ე ტურის შემდეგ ეროვნულ ლიგაში გადასასვლელი პლეი ოფის ორივე მონაწილე ეროვნულ ლიგა 2-შიც გაირკვა. "გაგრამ" გასვლაზე ბათუმის "დინამო" ნუგზარ სპანდერაშვილის გოლით 1:0 დაამარცხა და ეროვნულ ლიგას მიუახლოვდა. გასვლაზე ქობულეთის "შუქურამაც" მნიშვნელოვანი გამარჯვება მოიპოვა. ქობულეთელებმა თბილისში, "დავით პეტრიაშვილზე", 1:0 მოუგეს "შევარდენს".

ბათუმის "დინამო" ეროვნულ ლიგაში პირდაპირი წესით გადავიდა. "ვიტ ჯორჯია" (62 ქულა) და "გაგრა" (55) კი პლეი ოფში ითამაშებენ. ამ უკანასკნელს, ბოლო ტურის შედეგების მიუხედავად, 51 ქულის მქონე "ნორჩი დინამო" ვეღარ დაეწევა.

უფრო რთულადაა საქმე აუტსაიდერთა ზონაში: "შუქურა" 7 დეკემბერს, ქობულეთში, "ჩელე არენაზე" უშუალო კონკურენტ წყალტუბოს "სამგურალს" უმასპინძლებს და თუ დაამარცხებს, მე-7 ადგილზე გადაინაცვლებს და გადათამაშების გარეშე შეინარჩუნებს ადგილს ეროვნულ ლიგა 2-ში.

ბოლო ტურის შეხვედრას "მერანიც" საკუთარ არენაზე გამართავს. 7 დეკემბერს მარტვილის გუნდი მურთაზ ხურცილავას სახელობის სტადიონზე ბათუმის "დინამოს" უმასპინძლებს და გამარჯვების ან ფრეს შემთხვევაში პლეი აუტში თამაშის უფლებას მოიპოვებს, რადგან ბოლო ადგილზე მყოფ "ცხინვალს" 3 ქულით ასწრებს.

ამგვარად, პლეი აუტის მონაწილე გუნდები ასე დაწყვილდნენ: "გაგრამ" გასვლაზე ბათუმის "დინამო" დაამარცხა, ლიგა 2-ში მე-3 ადგილი დაიკავა და პლეი ოფში შეხვდება "სიონს", რომელმაც ეროვნულ ლიგაში მე-8 ადგილი დაიკავა. მასპინძელი "გაგრაა". ხოლო ლიგა 2-ში მეორეზე გასული "ვიტ ჯორჯია" "სამტრედიას" დაუწყვილდა, რომელიც მთავარ ლიგაში მე-9 ადგილზეა. პირველ მატჩში მასპინძელი "სამტრედიაა".

მატჩების თარიღი ჯერჯერობით უცნობია. წყვილები გამარჯვებულს ორი შეხვედრის ჯამში გაარკვევენ. პირველ მატჩში "სამტრედია" .

ყოველდღიური სპორტული გაზეთი "ლელო"
1298
მკითხველის კომენტარები / 0 /
მსგავსი ამბები
რუბრიკის სხვა სიახლეები
;