ეროვნულ ლიგაში კორონავირუსზე ტესტირება დასრულდა. როდის განახლდება სეზონი ლიგა 2-ში?

ეროვნული ლიგის ათივე გუნდის ფეხბურთელების პირველადი კოვიდტესტირება 7 ივნისს დასრულდა. ბოლოს ტესტი ქუთაისის "ტორპედოსა" და თბილისის "ლოკომოტივში" ფეხბურთელებმა, მწვრთნელებმა და პერსონალმა ჩაიტარეს.

შედეგები რამდენიმე დღეში გახდება ცნობილი. სეზონის განახლებამდე, 22-24 ივნისს, მოთამაშეები ტესტირებას ხელმეორედ გაივლიან. ხარჯები ფეხბურთის ფედერაციამ საკუთარ თავზე აიღო.

თითქმის 4-თვიანი პაუზის შემდეგ, ეროვნული ლიგა 25 ივნისს "საბურთალოსა" და თბილისის "დინამოს" დაპირისპირდებით განახლდება. მატჩი "მიხეილ მესხზე" გაიმართება. ეროვნული ლიგა მე-3 ტურიდან განახლდება, რადგან პირველი ორი ტურის შედეგები არ გაუქმებულა. მოგეხსსენებათ, ჩემპიონატი 4 წრის ნაცვლად, 2 წრედ გაიმართება.

ამავე დროს, ცნობილი გახდა, რომ ეროვნული ლიგა 2-ის გათამაშება, სავარაუდოდ, ივლისში განახლდება. ცნობა ბოლნისის "სიონის" ოფიციალურმა გვებგვერდმა გაავრცელა. აქამდე, მხოლოდ ეროვნული ლიგის გათამაშების განახლების თარიღი იყო ცნობილი, ქვედა ლიგის საკითხი კი ღიად რჩებოდა. პრინციპში, დიდი სიცხადე არც ახლა გვაქვს, ვიდრე ფეხბურთის ფედერაცია ოფიციალურ განცხადებას არ გაავრცელებს.

ლიგა 2-შიც ორი ტური ჩატარდა და 6 ქულით ქობულეთის "შუქურა" ლიდერობს, ბოლო ადგილზე კი უქულო "შევარდენი 1906"-ია. ჩემპიონატის ფორმატი რანგით მეორე ლიგაშიც შეიცვალა და ოთხის ნაცვლად მხოლოდ 2 წრედ ჩატარდება. 2 ტურის შედეგები არც ლიგა 2-ში გაუქმებულა.

736
მკითხველის კომენტარები / 1 /
ქობულეთელი
0
მიდი შუქურა,წელს უნდა გადავიდეთ ელიტაში.
მსგავსი ამბები
რუბრიკის სხვა სიახლეები
;